अजित पवारांचा कामाचा धडाका, अवघ्या 2 तासातच सारथीला 8 कोटींचा निधी - सारथी संस्था न्यूज

मराठा समाजाच्या सामाजिक, शैक्षणिक आणि आर्थिक विकासासाठी 'सारथी' संस्थेला 8 कोटी रुपयांचा निधी देणार असल्याचे अजित पवारांनी पत्रकार परिषदेत जाहीर केले होते. त्याप्रमाणे अवघ्या 2 तासातच अजित पवारांनी सारथीला हा निधी उपलब्ध करुन दिला आहे.

Distributed Rs. 8 crore to Sarathi Sanstha in mumbai

उपमुख्यमंत्री अजित पवार

Published : Jul 9, 2020, 6:08 PM IST

मुंबई - मराठी तरुणांच्या व्यावसायिक प्रशिक्षणासाठी राज्य सरकारने सुरु केलेल्या सारथी संस्थेच्या पदाधिकाऱ्यांसोबत उपमुख्यमंत्री अजित पवार यांची आज (गुरुवार) बैठक झाली. मराठा समाजाच्या सामाजिक, शैक्षणिक आणि आर्थिक विकासासाठी 'सारथी' संस्थेला 8 कोटी रुपयांचा निधी देणार असल्याचे अजित पवारांनी पत्रकार परिषदेत जाहीर केले होते. त्याप्रमाणे अवघ्या 2 तासातच अजित पवारांनी सारथीला हा निधी उपलब्ध करुन दिला आहे. त्यासंबंधीचे पत्र ‘सारथी’ संस्थेला पाठवण्यात आले आहे.

अजित पवारांचा कामाचा धडाका, अवघ्या 2 तासातच सारथीला 8 कोटी वितरीत

उपमुख्यमंत्री अजित पवार यांनी आज सकाळी 11 वाजता मंत्रालयातील त्यांच्या दालनात खासदार छत्रपती संभाजीराजे व मराठा समाज प्रतिनिधींची बैठक घेतली. दुपारी दिड वाजता पत्रकार परिषदेत 8 कोटी देत असल्याचे जाहिर केले. त्यानंतर अवघ्या दोन तासात म्हणजे साडेतीन वाजण्याच्या सुमारास इतर मागास बहुजन कल्याण विभागाच्या वतीने पत्र क्र.संकिर्ण 2019/प्र.क्र.117/महामंडळे, दि. 9 जुलै 2020 निर्गमित करण्यात आले. त्याद्वारे सुमारे 7 कोटी 94 लाख 89 हजार 238 रुपये इतका निधी ‘सारथी’ संस्थेला तातडीने उपलब्ध करुन देण्यात आला आहे.