मुंबई - राज्यात कोरोनामुळे मृत्यू होणाऱ्या रुग्णांच्या संख्येत वाढ होत असताना सायबर गुन्हेगारांकडून कोरोनामुळे मृत पावणाऱ्या व्यक्तींच्या टाळूवरील लोणी खाण्याचा प्रकार घडत आहे. मुंबई पोलिसांच्या गुन्हे शाखेच्या युनिट 11 ने सायबर गुन्हेगारांच्या एका टोळीच्या मुसक्या आवळल्या आहेत. ही टोळी कोरोनामुळे मृत पावलेल्या एका व्यक्तीच्या बँक खात्यातील पैसे परस्पर लूटत आली होती. 25 जुलैला गुन्हे शाखेच्या युनिट 11 ने दहिसर परिसरातील एका झोपडपट्टीमध्ये केलेल्या कारवाईत शफिक मेहबूब शेख, प्रितेश बिपिनचंद्र मांडलीया, अर्शद रफिक सय्यद, स्वप्नील विनोद ओगलेकर या आरोपींना अटक केली आहे.
आरोपींना घेऊन जाताना गुन्हे शाखेचे पथक 
