मुंबई: रेल्वे स्थानकांवर आपत्कालीन वैद्यकीय केंद्र (Emergency medical facilities) सुरु करण्याचे आदेश मुंबई हायकोर्टाने २६ मार्च २००९ ला रेल्वेला आदेश दिले होते. त्यानंतर रेल्वे बोर्डाने ही देशातील सर्व रेल्वे स्थानकांवर प्रवाशांसाठी आपत्काली वैद्यकीय कक्ष उभारण्याचे निर्देश दिले. त्यानुसार, मध्य आणि पश्चिम रेल्वेने या आदेशाचे पालन करत रेल्वे स्थानकांवर आपत्कालीन वैद्यकीय केंद्र सुरु केले होते. यांची जवाबदारी खासगी हॉस्पिटल आणि ओषध निर्माण कंपन्या दिली आहे.
यातील अनेक आपत्कालीन वैद्यकीय केंद्रांची परिस्थिती अत्यंत्य वाईट आहे. विशेष म्हणजे पश्चिम रेल्वेच्या मुख्यालय असलेल्या चर्चगेट रेल्वे स्थानकाच्या बाजूला रेल्वे प्रवाशांच्या सोयीसाठी आपत्कालीन वैद्यकीय केंद्र सुरु केले आहे. मात्र, ही सुविधा प्रवाशांसाठी ठराविक वेळेतच मिळते. रात्री आपत्कालीन वैद्यकीय केंद्र बंद (Railway emergency medical room closed at night) असल्याचे निदर्शनात आले. याबाबद सामाजिक कार्यकर्ते समीर झवेरी यांनी रेल्वेकडे लेखी तक्रार दाखल केली आहे. या तक्रारीत झवेरी यांनी न्यायालयाचे आदेशांचे पालन करण्याचे विनंती केली आहे.
सामाजिक कार्यकर्ते समीर झवेरी यांनी सांगितले की, २००९ मध्ये मुंबई उच्च न्यायालयाने रेल्वे स्थानकांवर आपत्कालीन वैद्यकीय सुविधा चोवीस तास (२४ तास) सुरु ठेवण्याचे आदेश दिले होते. मात्र, आज अनेक रेल्वे स्थानकांत आपत्कालीन वैद्यकीय कक्ष हे सकाळी सुरु असते रात्री बंद करण्यात येते. त्यामुळे रात्री प्रवासादरम्यान रेल्वे प्रवाशांना आपत्कालीन वैद्यकीय सेवेची गरज भासली तर, स्थानकांवर उपलब्ध नसते.
चर्चगेट रेल्वे स्थानकावर वैद्यकीय कक्ष दिवसा उघडा आणि रात्री बंद असे सुरु आहे. रात्री रेल्वे अपघातातील जखमी आणि रेल्वे प्रवासात अचानक प्रवाशांची प्रकृती खराब झाल्यास त्यांना ही सुविधा मिळत नाही. त्यांना खूप समस्यांना प्रवाशांना समोर जावे लागत आहे. रेल्वेने याची तात्काळ दखल घ्यावीत अन्यथा न्यायालयाचे निर्देशाचे पालन न केल्याबद्दल रेल्वे अधिकाऱ्यांविरुद्ध अवमान याचिका दाखल करावी लागेल असा इशारा सुद्धा झवेरी यांनी दिला आहे.
