मुंबई : जगभरातील लोक दररोज सुमारे 2.25 अब्ज कप कॉफी पितात. काही अभ्यासांमध्ये असे आढळून आले आहे की कॉफीचे योग्य प्रमाणात सेवन केल्यास अनेक गंभीर आजारांवर परिणाम (Coffee considered harmful to health ) होतो. कॉफी अनेक रोगांचा धोका कमी करण्यासाठी देखील फायदेशीर ठरू शकते ( Coffee gives benefits ) . रिबोफ्लेविन (व्हिटॅमिन बी 2), नियासिन (व्हिटॅमिन बी 3), मॅग्नेशियम, पोटॅशियम, विविध फिनोलिक संयुगे आणि अँटीऑक्सिडंट्स कॉपीमध्ये असतात. चला जाणून घेऊया आरोग्यासाठी कॉफीचे सेवन करण्याचे फायदे आणि तोटे.
टाइप-2 मधुमेहाचा धोका कमी : अभ्यासानुसार कॉफीच्या सेवनाने टाइप २ मधुमेहाचा धोका कमी होऊ शकतो ( Lower risk of type-2 diabetes ) . 2014 च्या अभ्यास अहवालानुसार, 48,000 हून अधिक लोकांवर संशोधन करण्यात आले आणि असे आढळून आले की जे चार वर्षांमध्ये दररोज किमान एक कप कॉफी पितात त्यांना टाइप 2 मधुमेहाचा धोका 11 टक्के कमी असतो. मात्र, मधुमेहाच्या रुग्णांनी डॉक्टरांच्या सल्ल्यानेच कॉफीचे सेवन करावे.
चरबी कमी करण्यास मदत करते : अनेक अभ्यासातून असे दिसून आले आहे की कॅफीन चयापचय दर 3-11 टक्क्यांनी वाढवू शकते. म्हणूनच कॉफीला फॅट बर्निंग पूरक मानले जाऊ ( Help to reduce fat ) शकते. लठ्ठ लोकांची चरबी कमी करण्यासाठी कॅफिन उपयुक्त ठरू शकते.
लिव्हर कॅन्सरचा धोका कमी : एका अभ्यासानुसार, कॉफीच्या सेवनाने लिव्हर कॅन्सरचा धोका कमी होतो. एका यूएस अभ्यासात असे दिसून आले आहे की जे सहभागी दररोज दोन ते तीन कप कॉफी पितात त्यांना हेपॅटोसेल्युलर कार्सिनोमा आणि दीर्घकालीन यकृत रोग होण्याचा धोका कमी ( Reduced risk of liver cancer ) होतो.
कॉफीमुळे रक्तदाब नियंत्रित राहतो : कॉफीमध्ये आढळणारे कॅफीन रक्तदाबासह हृदयाच्या आरोग्यासाठीही फायदेशीर ठरू ( Coffee regulates blood pressure ) शकते.संशोधकांना असे आढळून आले की दररोज तीन ते पाच कप कॉफी प्यायल्याने हृदयविकाराचा धोका 15 टक्क्यांपर्यंत कमी होतो.
पोटात ऍसिडचे प्रमाण वाढते : कॉफीच्या सेवनाने पोटात ऍसिडचे प्रमाण ( acid amount increases in stomach ) वाढते. त्यामुळे पचनसंस्थेवर नकारात्मक परिणाम होतो. कॉफीचे अतिसेवन किंवा कॉफीने सकाळची सुरुवात केल्याने अपचन, पोटात गोळा येणे, मळमळ यासारख्या समस्या उद्भवू शकतात.
निर्जलीकरण : सकाळच्या कॉफीने दिवसाची सुरुवात करणे हानिकारक ठरू शकते. रात्री बराच वेळ पोट रिकामे राहते आणि पाण्याची कमतरता भरून काढण्यासाठी सकाळी पाणी प्यावे. पण सकाळी कॉफी प्यायल्यावर शरीरात पाण्याची कमतरता जाणवते आणि डिहायड्रेशनची समस्या उद्भवू शकते.
टीप : हा लेख वैद्यकीय अहवाल आणि आरोग्य तज्ञांच्या सूचनांच्या आधारे तयार करण्यात आला आहे. ईटीव्ही कोणत्याही प्रकारच्या माहितीचा दावा करत नाही. वरील लेखात नमूद केलेल्या आजारांबद्दल अधिक तपशीलांसाठी तुमच्या डॉक्टरांचा सल्ला घ्या.
