मुंबई : गेल्या काही महिन्यांपासून रखडलेला मंत्रिमंडळाचा विस्तार लवकरच होण्याचे संकेत मुख्यमंत्री एकनाथ शिंदे यांनी ( CM Eknath Shinde on Cabinet ) दिले आहेत. मंत्रिमंडळ विस्ताराची यादी तयार असल्याची माहिती त्यांनी वर्षा निवासस्थानी पत्रकारांशी अनोपचारिक गप्पा मारताना ( Cabinet Ministry expansion ) दिली. तसेच समृद्धी महामार्गाचे उद्घाटनही नोव्हेंबर महिन्यात होईल असे स्पष्ट केले.
राज्यात सध्या मुख्यमंत्री आणि उपमुख्यमंत्र्यांकडे अनेक खात्यांचा पदभार आहे. तर काही मंत्र्यांकडे एकापेक्षा अधिक महत्त्वाची खाती आहेत. त्यामुळे मंत्र्यांवरील भार कमी करून सत्तेचे विकेंद्रीकरण करण्यासाठी लवकरच मंत्रिमंडळाचा विस्तार करण्यात येईल, असा दावा मुख्यमंत्री एकनाथ शिंदे यांनी मुंबईत पत्रकारांशी बोलताना केला.
हिवाळी अधिवेशनापूर्वी मंत्रिमंडळ विस्तार मंत्रिमंडळ खाते वाटपाचा फॉर्म्युला यापूर्वीच ठरला आहे. तसेच मंत्र्यांच्या संख्येबाबतही यापूर्वीच निर्णय घेण्यात आला आहे. त्यामुळे आता केवळ मंत्रिमंडळाचा विस्तार करायचा आहे. मंत्र्यांची यादी सुद्धा तयार आहे. अधिवेशनापूर्वी हा विस्तार करण्याचा सरकारचा विचार असल्याची संकेत मुख्यमंत्र्यांनी यावेळी दिले. आपल्या पक्षात कोणीही नाराज नसल्याचा दावाही त्यांनी यावेळी केला. आपल्याला केवळ जनतेची काम करायची आहेत. तेच आपले उद्दिष्ट आहे असेही त्यांनी यावेळी सांगितले.
मी शक्य तेवढी झोप घेतो - मी यापूर्वी सुद्धा लोकांची कामे करण्यासाठी रात्री उशिरापर्यंत जागत होतो. आता मुख्यमंत्री झाल्यामुळे माझ्यावर कामाची अधिक जबाबदारी आली आहे. आणि लोकांना माझ्याकडून अधिक अपेक्षा आहेत. त्या पूर्ण करण्यासाठी मला काम करावेच लागणार आहे. म्हणूनच मी रात्री तीन वाजेपर्यंत काम करतो. सकाळी सात वाजता उठतो एवढी झोप सध्या तरी मला पुरेशी वाटत आहे, असे मुख्यमंत्र्यांनी यावेळी बोलताना स्पष्ट केले. मुख्यमंत्री कधी झोपतात हा संशोधनाचा विषय आहे, या उपमुख्यमंत्री देवेंद्र फडणवीस यांच्या वक्तव्याच्या पार्श्वभूमीवर ( Eknath Shinde on sleeping time ) मुख्यमंत्री बोलत होते.
समृद्धी महामार्गाचे लवकरच उद्घाटन ( MH CM on Samruddhi highway ) बहुचर्चित समृद्धी महामार्गाचे काम अंतिम टप्प्यात असून हा मार्ग बऱ्यापैकी पूर्ण होत आला आहे. काही किलोमीटरचा रस्ता बाकी असून तो लवकरच पूर्ण होईल. समृद्धी महामार्गाची एक लेन व्यवस्थित पूर्ण झाल्यानंतर या महामार्गाचे उद्घाटन आम्ही करणार आहोत. समृद्धी महामार्गाचे उद्घाटन नोव्हेंबर महिन्यातच होईल असेही मुख्यमंत्र्यांनी स्पष्ट केले. समृद्धी महामार्ग आपल्या सरकारचा ड्रीम प्रोजेक्ट आहे. तो वेळेतच पूर्ण करण्याचा प्रयत्न सरकारकडून केला जात आहे. या मार्गाच्या उद्घाटनासाठी पंतप्रधानांची ही वेळ घेतली जाणार आहे.
शिवडी- न्हावा शेवा ट्रान्स हार्बर मार्गाचे कामही वेगात सुरू शिवडी ते न्हावा शेवा या ट्रान्स हार्बर मार्गावरील कामही आता वेगाने सुरू आहे. हा मार्ग लवकरात लवकर पूर्ण करून अलिबाग रायगडकडे जाणाऱ्या जनतेला जलद जाता येणार आहे. हे काम डिसेंबर 2023 पर्यंत पूर्ण करण्यात येणार असल्याचे त्यांनी सांगितले. तर कोस्टल रोडचे हे काम लवकर पूर्ण करण्याचा सरकारचा मानस आहे. राज्यात गेल्या अडीच वर्षात जे प्रकल्प रखडले होते ते लवकरात लवकर मार्गी लावून जनतेला दिलासा देणार आहोत.
उत्सवामुळे जनता आनंदी राज्यात आमचे सरकार स्थापन झाल्यापासून उत्सवांना प्रोत्साहन दिले असल्याने आमच्यावर टीका होत आहे. मात्र या उत्सवांमुळेच लोकांच्या मनातील कोरोनाची भीती निघून गेली आहे. लोक आनंदाने उत्सवांमध्ये सहभागी होऊ लागले जल्लोष साजरा करण्यात येऊ लागला आहे. मुख्य म्हणजे यामुळे अर्थव्यवस्थेला चालना मिळाली आहे. कोट्यवधी रुपयांची उलाढाल या उत्सवाच्या काळात झाली आहे असा दावाही मुख्यमंत्र्यांनी यावेळी केला.
