मुंबई: छत्रपती शिवाजी महाराज आंतरराष्ट्रीय विमानतळ (Chhatrapati Shivaji Maharaj International Airport) मुंबई या ठिकाणी दोन दिवसापूर्वी ईटीव्ही भारत वतीने तेथील प्रत्यक्ष वस्तुस्थिती जाणून घेतली होती. शासनाच्या आदेशा नंतरही कोणतेही कोविड प्रोटोकॉल किंवा चाचण्या सुरू केल्या नव्हते. मात्र आता विमानतळ प्राधिकरणाने केंद्रीय आरोग्य मंत्री मानसुख मांडवीय यांच्या आदेशानंतर कोविड प्रोटोकॉल आणि चाचण्या घेण्याचा निर्णय घेतलेला आहे. 24 डिसेंबर पासून आंतरराष्ट्रीय प्रवाशांसाठी (International Airport) आरटीपीसीआर चाचण्या सुरू केल्या आहेत. (RTPCR Test) मात्र एकूण प्रवाश्यापैकी 2 टक्केच प्रवासी व्यक्तींची चाचणी केली जाईल. याबाबत मात्र वैद्यकीय क्षेत्रातून प्रश्न उपस्थित केले जात आहेत. दररोज आंतरराष्ट्रीय प्रवाशांची संख्या 39 ते 40 हजार दरम्यान तर 800 पेक्षा अधिक विमानांची उड्डाणे होतात. त्यामुळे खबरदारी अधिक घेणे जरुरी आहे.
छत्रपती शिवाजी महाराज आंतरराष्ट्रीय विमानतळ: मुंबई या ठिकाणी 12 डिसेंबर 2022 रोजी एकाच दिवशी एक लाख 50 हजार 988 प्रवाशांनी प्रवास केला आहे. यामध्ये आंतरराष्ट्रीय स्तरावरील प्रवाशांची संख्या 39,517 इतकी होती तर राष्ट्रीय प्रवासी संख्या 1,11,441 इतकी होती. छत्रपती शिवाजी महाराज आंतरराष्ट्रीय विमानतळ मुंबई यांच्या आजच्या माहितीनुसार त्यांच्याकडे आजची सांख्यिकी नव्हती. मात्र त्यांच्या आधारानुसार मागील काही दिवसात आंतरराष्ट्रीय प्रवासी संख्या 39 हजार ते 40 हजार इतकी आहे. दररोज आंतरराष्ट्रीय प्रवाशांची संख्या 39 ते 40 हजार दरम्यान तर 800 पेक्षा अधिक विमानांची उड्डाणे होतात. विमानतळ प्राधिकरणद्वारे एकूण प्रवाश्यापैकी केवळ 2 टक्केच आंतरराष्ट्रीय प्रवासी व्यक्तींची चाचणी केली जाणार आहे. या चाचणी निर्णय बाबत डॉक्टरांनी सवाल उपस्थित केला आहे.
वैद्यकीय क्षेत्रातील डॉक्टरांनी प्रश्न: या संदर्भात तज्ञ डॉक्टर अविनाश भोंडवे इंडियन मेडिकल असोसिएशनचे माजी अध्यक्ष यांनी ही भारत सोबत संवाद साधताना सांगितले, बी एफ सेवन कोरोना विषाणूचा नवीन अवतार चीन आणि इतर देशांमध्ये पसरलेला आहे. त्यामुळे अनेक देशांमध्ये त्याबाबत संशयाचे आणि भीतीचे वातावरण आहे. भारत सरकारने देखील २४ डिसेंबर पासून आंतरराष्ट्रीय विमानतळावर आंतरराष्ट्रीय प्रवाशांची आरटी पीसीआर चाचणी सुरू केली. ही स्वागताची बाब आहे. मात्र एकूण प्रवाशांपैकी केवळ दोन टक्के प्रवाशांचे चाचणी केली जाईल. आणि 98 टक्के प्रवाशांची चाचणी होणार नाही. ही गोष्ट न समजणारी आहे. कारण ही बाब अशास्त्रीय आहे. शास्त्रीय पद्धतीने प्रत्येक आंतरराष्ट्रीय प्रवाशाचे चाचणी केली गेली पाहिजे. आणि त्यात जो कोणी कोविड पॉझिटिव्ह विषाणू संक्रमित झालेल्या व्यक्ती असेल, त्याच्यावर तात्काळ उपाय केला गेला पाहिजे आणि त्याला त्वरित विलगीकरणात ठेवले पाहिजे.
प्रत्येकाचे चाचणी अत्यावश्यक: डॉक्टर अमोल अन्नदाते यांनी देखील नमूद केले आहे की, आंतरराष्ट्रीय प्रवाशांची प्रत्येकाची वैद्यकीय चाचणी म्हणजेच आरटीपीसीआर चाचणी सक्तीने केलीच पाहिजे. आणि कोरोना विषाणूचा नवीन अवतार ज्याला बी एफ ७ असं म्हटलं जातं, त्याची ओळख होण्यासाठी प्रत्येकाचे चाचणी अत्यावश्यक आहे.
