मुंबई : सर्वाच्च न्यायालयाने मुंबईचे माजी पोलीस अधिकारी प्रदीप शर्मा यांना अँटिलिया बॉम्बस्फोट प्रकरणात जामीन मंजूर केलाय. शर्मा यांनी पत्नीचा आजारपणाचे कारण देत जामीनासाठी अर्ज केला होता, तो सर्वोच्च न्यायालयान मंजूर केलाय. दरम्यान जानेवारी महिन्यात मुंबई उच्च न्यायालयाने त्यांना जामीन नाकारला होता. परिणामी शर्मा यांना सर्वोच न्यायालयात जाण्याशिवाय पर्याय नव्हता. आज अखेर सर्वोच्च न्यायालयाने नियमित जामीन मंजूर करत प्रदीप शर्मा यांना दिलासा दिला आहे.
तुरुंगात का : प्रदीप शर्मा हे 1983 मध्ये मुंबई पोलिसात उपनिरीक्षक म्हणून रुजू झाले होते. शर्मा यांचा 300 हून अधिक एन्काऊंटरमध्ये सहभाग आहे. त्यापैकी 113 एन्काऊंटर त्यांच्या नावावर आहेत. आता ते अँटिलिया बॉम्बस्फोट आणि मनसुख हिरेन हत्येप्रकरणात तुरुंगात आहेत. 25 फेब्रुवारी 2021 रोजी दक्षिण मुंबईतील अब्जाधीश मुकेश अंबानी यांच्या 'अँटिलिया' निवासस्थानाजवळ जिलेटिनने भरलेली एसयूव्ही कार सापडली होती. ही एसयूव्ही कार व्यापारी मनसुख हिरेन यांची होती. परंतु मनसुख हिरेन हे 5 मार्च 2021 रोजी ठाण्यातील एका खाडीत मृतावस्थेत आढळले होते.
जामीन अर्ज : प्रदीप शर्मा यांनी अनेकवेळा जामीन अर्ज केला होता. परंतु मुंबई उच्च न्यायालयाने त्यांचे जामीन अर्ज फेटाळली होती. न्यायालयात स्वत: ला निर्दोष सांगतना प्रदीप शर्मा म्हणाले होते की, ते अनेकवेळा पोलिसांच्या शत्रूत्वाचे बळी ठरलेत. सर्वोच्च न्यायालयात जामीन अर्ज करताना त्यांनी त्यांच्या पत्नीचा आजारपणाचे कारण सांगितलंय. शर्मा यांनी पत्नीची प्रकृती दिवसेंदिवस ढासळत चालल्याचा दावा सर्वोच्च न्यायालयात केला होता. मागे एकदा सर्वोच्च न्यायालयाने 5 जून 2023 रोजी 4 आठवड्याचा अंतरिम जामीन दिला होता. मात्र आज प्रदीप शर्मा यांनी वैद्यकीय अहवाल कागदपत्रे न्यायालयात सादर केले. त्यांचे वाकिल मुकुल रोहतगी यांनी न्यायालयाला विनंती केली. पत्नीच्या गंभीर आजारावर शस्त्रक्रियेची आवश्यकता आहे. त्यासाठी नियमित जामीन मिळाल्याशिवाय वैद्यकीय उपचार कसे होणार ?असे त्यांनी याचिकेत म्हटले.
काय म्हणाले शर्माचे वकील : प्रदीप शर्मा यांचे वकील मुकुल रोहतगी सर्वोच्च न्यायालयात जामीनसाठी युक्तीवाद केला. शर्मा यांची पत्नी दुर्धर आजाराने त्रस्त आहे. त्यासाठी शस्त्रक्रिया आवश्यक आहे. तसेच त्यासाठी विदेशात जाणे गरजेचे आहे, असे रोहतगी म्हणाले. शर्मा यांची बाजू मांडकताना ज्येष्ठ वकील मुकुल रोहतगी म्हणाले की, शर्मा हे चांगले पोलीस अधिकारी होते. त्यांनी ३७ वर्ष कर्तव्य बजावल्यानंतर निवृत्ती घेतली. तर सचिन वाझे यांना प्रसिद्धीझोतात राहायचे होते. त्यासाठी त्यांनी मुकेश अंबानी यांच्या घराबाहेर स्कॉर्पिओ गाडीत जेलेटिन कांड्या ठेवल्या होत्या. या कारस्थानात वापरण्यात आलेली स्कॉर्पिओ कार ही मनसुख हिरेनची होती. हिरेन यांची कार चोरीला गेल्याची बतावणी वाझे यांनी केली होती. पंरतु या सर्व प्रकरणाची शर्मा यांना कल्पना नव्हती. तसेच या प्रकरणात वाझे आणि शर्मा यांचा थेट संबंध नसल्याचं वकील रोहतगी म्हणाले.
यामुळे झाली हत्या : मनसुख हिरेन यांच्या हत्येप्रकरणात माजी पोलीस अधिकरी प्रदीप शर्मा आणि सचिन वाझे याचाही सहभाग होता. उद्योगपती मुकेश अंबानी आणि त्यांच्या कुटुंबियांमध्ये दहशत निर्माण व्हावी, यासाठी अँटिलियाच्या गेटजवळ स्फोटकं ठेवण्यात आली होती. मनसुख हिरेन हे या सर्व कटकारस्थानातील एकमेव साक्षीदार होता. त्याच्यापर्यंत पोलीस पोलीस पोहोचले तर सर्व कारस्थान समोर येईल, अशी भीती या दोन्ही पोलीस अधिकाऱ्यांना होती. त्यामुळे या दोन्ही पोलीस अधिकाऱ्यांना हिरेन यांची हत्या केली, असा दावा एनआयएनं केलाय.
हेही वाचा-
