Accident: स्कुटीवरील महिलेला टँकरने चिरडल्याने जागीच मृत्यू, चालकाला पोलिसांनी घेतले ताब्यात

पाण्याच्या टँकरने एका स्कुटी चालक महिलेला चिरडल्याची घटना घडली आहे. ही घटना ठाणे-बेलापूर मार्गावर घडली आहे. या अपघातात महिलेचा जागीच मृत्यू झाला आहे. टँकर चालकाला तुर्भे पोलिसांनी ताब्यात घेतले असून, त्याच्यावर गुन्हा दाखल करण्यात आला आहे.

नवी मुंबई - ठाणे बेलापूर मुख्य मार्गावर पाण्याच्या टँकरने एका स्कुटी चालक महिलेला चिरडले. या अपघातात महिलेचा जागीच मृत्यू झाला आहे. मृत महिला मॉलमधून खरेदी केल्यानंतर आपल्या घरी जात होत्या. घरी जात असताना एका भरदाव पाण्याच्या टँकरने या महिलेला चिरडल्याने हा अपघात घडला. टँकर चालकाला तुर्भे पोलिसांनी ताब्यात घेतले असून, त्याच्यावर गुन्हा दाखल केला आहे. चालकाचे टँकरवरील नियंत्रण सुटल्यामुळे हा अपघात घडल्याची प्राथमिक माहिती तुर्भे पोलिसांनी दिली आहे. सदर अपघाताचा पोलीस अधिक तपास करत आहेत.