मुंबई - 27 वर्षीय महिला रुग्णावर सतत बलात्कार करुन अश्लील व्हिडिओ व्हायरल करणाऱ्या 58 वर्षाच्या डॉक्टरला अटक करण्यात आली आहे. मुंबई पोलिसांच्या मेघवाडी पोलिसांनी ही कारवाई केली आहे. जोगेश्वरी पूर्व येथील ही घटना आहे. गेल्या काही महिन्यांपासून आरोपी उपचारासाठी येणाऱ्या पीडित महिलेला अश्लील व्हिडिओ व्हायरल करण्याची धमकी देत हे कृत्य करत होता.
गेल्या काही महिन्यांपासून होत असणाऱ्या लैंगिक शोषणाला कंटाळून या पीडित महिलेने जोगेश्वरीमधील मेघवाडी पोलिसांकडे तक्रार केली. यानंतर पोलिसांनी आरोपी डॉक्टरला अटक केली आहे. न्यायालयात आरोपी डॉक्टरला हजर केले असता न्यायालयाने त्याची रवानगी 17 ऑक्‍टोबरपर्यंत पोलीस कोठडीत केली आहे. या संदर्भात पोलीस अधिक तपास करत आहेत.
