मान्यताप्राप्त 2,165 शाळांना अनुदान मंजूर, मंत्रिमंडळ बैठकीत निर्णय

मागील काही वर्षांपासून अनुदानास पात्र ठरलेल्या 2 हजार 165 शाळांना अनुदान देण्याचा अत्यंत महत्त्वाचा निर्णय राज्य मंत्रिमंडळाच्या बैठकीत घेण्यात आला आहे. अशी माहिती शालेय शिक्षण मंत्री वर्षा गायकवाड यांनी माध्यमांशी बोलताना केली.

मुंबई- मागील काही वर्षांपासून अनुदानास पात्र ठरलेल्या 2 हजार 165 शाळांना अनुदान देण्याचा अत्यंत महत्त्वाचा निर्णय आज राज्य मंत्रिमंडळाच्या बैठकीत घेण्यात आला आहे. मंत्रिमंडळाच्या बैठकीत घेण्यात आलेल्या या निर्णयामुळे खासगी संस्थांकडून चालविण्यात येणाऱ्या 2 हजार 165 प्राथमिक, माध्यमिक व उच्च माध्यमिक शाळांना २० टक्के अनुदान मिळणार आहे. अशी माहिती शालेय शिक्षण मंत्री वर्षा गायकवाड यांनी मंत्रिमंडळाच्या बैठकीनंतर माध्यमांशी बोलताना केली.

मंत्रिमंडळाच्या बैठकीत आज घेण्यात आलेल्या निर्णयामुळे 2 हजार 165 शाळांना 20 टक्के व याआधी 2 टक्के अनुदान घेणाऱ्या 2 हजार 417 शाळांना अतिरिक्त 20 टक्के अनुदान 1 नोव्हेंबर 2020 पासून देण्याचा निर्णय आज झालेल्या मंत्रिमंडळाच्या बैठकीत घेण्यात आला.

याचा लाभ एकूण 43 हजार 112 शिक्षक व शिक्षकेतर कर्मचाऱ्यांना होणार आहे. या निर्णयाचे शिक्षक आमदारांनी स्वागत केले असून महाराष्ट्र राज्य शिक्षण क्रांती संघटना, शिक्षक भारती आदी संघटनांनी सरकारचे आभार मानले आहेत.