कोल्हापूर - शिवसेनेच्या सर्व १८ खासदारांना घेऊन उद्धव ठाकरे आणि रश्मी ठाकरे अंबाबाईचा नवस फेडण्यासाठी ६ तारखेला कोल्हापुरात येणार आहेत.
शिवसेनेच्या युतीचा प्रचार शुभारंभ कोल्हापुरातून झाला होता. त्यावेळी उद्धव ठाकरे आणि आदित्य ठाकरे अंबाबाईच्या दर्शनाला आले होते. त्यावेळी शिवसेनेच्या सर्व खासदारांना घेऊन अंबाबाईला येईन, असा नवस उद्धव ठाकरे यांनी बोलले होतं. तो नवस फेडण्यासाठी आता रश्मी ठाकरे आणि उद्धव ठाकरे शिवसेनेच्या सर्व खासदारांना घेऊन अंबाबाईच्या दर्शनाला येणार आहेत.
विशेष म्हणजे कोल्हापूरच्या इतिहासात पहिल्यांदाच शिवसेनेचे दोन खासदार निवडून आले आहेत. त्यामुळे यावेळी खणा-नारळाने अंबाबाईची ओटी भरली जाणार आहे.
