कोल्हापूर- हुबळी रेल्वे स्थानकावर सोमवारी झालेल्या स्फोटाच्या पार्सलवर कोल्हापुरातील आमदाराचे नाव होते. त्यामुळे हुबळीबरोबर कोल्हापूर जिल्ह्यात देखील खळबळ उडाली होती. कोल्हापुरातील शिवसेनेचे आमदार प्रकाश आबिटकर यांचे नाव या पार्सलवर होते. याच पार्श्वभूमीवर आज प्रकाश आबिटकर यांनी कोल्हापूरचे पोलीस अधीक्षक अभिनव देशमुख यांची भेट घेऊन त्यांना तातडीने चौकशी करण्याची मागणी केली आहे.
आबिटकर यांनी सदरील हुबळी स्फोट प्रकरणात आपला दूरवर कुठेही संबंध नसल्याचे म्हटले आहे. आबिटकर हे शिवसेनेचे उमेदवार आहेत. आणि काल मतदानाच्या दिवशी अशा पद्धतीची घटना घडल्याने ही बाब अधिकच गंभीर बनली आहे. यासंदर्भात चौकशी करण्यासाठी कोल्हापूर पोलिसांचे एक पथक हुबळीला रवाना झाले आहे. दोन दिवसांपूर्वी कोल्हापूरच्या उजळाईवाडी या ठिकाणी झालेल्या स्फोटाचे आणि हुबळीमधल्या स्फोटाचे काही धागेदोरे आहेत का? याचा पोलीस तपास करत आहेत.
हेही वाचा- राज्यात कोल्हापूर जिल्हा मतदानात आघाडीवर; जनता कोणाला बसवणार घरात?
