कोल्हापूर : कोल्हापूर जिल्ह्याच्या राजकारणात गेली दीड दशक मित्र असलेले, काँग्रेसचे विधान परिषदेतील गटनेते आमदार सतेज पाटील आणि कॅबिनेट मंत्री हसन मुश्रीफ यांच्यात राज्यामध्ये घडलेल्या नाट्यमय घडामोडीनंतर काहीसा दुरावा निर्माण झाला आहे. महाविकास आघाडीमधील फूट पडल्यानंतर उपमुख्यमंत्री अजित पवारांच्या नेतृत्वाखालील एक गट थेट सत्तेत सहभागी झाला. अजित पवार यांच्यासोबत मंत्रीपदाची शपथ घेतलेले मंत्री हसन मुश्रीफ यांनी आज कोल्हापूर पत्रकारांशी बोलताना म्हणाले की, काँग्रेसचे नेते सतेज पाटील हे मित्र रहावेत, यासाठी आपण त्यांना खासगीत आमच्या सोबत येण्याचा सल्ला दिला आहे. असे वक्तव्य करून त्यांनी खळबळ उडवून दिली.
मंत्रिमंडळाचे खातेवाटप जाहीर होणार : उपमुख्यमंत्री अजित पवार यांच्यासोबत दिल्लीवारी करून आलेले मंत्री मुश्रीफ यांनी म्हटले की, थोड्याच वेळात मंत्रिमंडळाचा विस्तार होईल. तसेच खाते वाटपाची यादी जाहीर झाल्यावर कोणते खाते कोणाकडे कळेल. भाजप आणि शिंदे गटात काय अडले आहे माहीत नाही. उपमुख्यमंत्री अजित पवार यांच्याकडे कोणते खाते येईल हे तेंव्हाच समजेल. मात्र शिंदे फडणवीस पवार सरकारमध्ये सर्वकाही अलबेल असल्याचे मुश्रीफ म्हणाले.
उद्धव ठाकरे यांनी केला आरोप : उद्धव ठाकरे यांनी मंत्री हसन मुश्रीफ यांच्यावर भर सभेत आरोप केले होते. मुश्रीफ यांच्या पत्नी सायरा यांनी ईडी चौकशीवेळी आम्हाला गोळ्या घाला असे वक्तव्य केले होते. आता तेच मुश्रीफ भाजपाच्या मंत्रिमंडळात या नेत्यांच्या मांडीला मांडी लावून बसले आहेत, अशी टीका त्यांनी केली होती. मात्र या टीकेला उत्तर देताना उद्धव ठाकरे यांच्यावर अजूनही प्रेम कायम असल्याचे मुश्रीफ म्हणाले.
हेही वाचा -
- Political Crisis : हसन मुश्रीफ यांनी मंत्रीपदाची शपथ घेतल्याने समरजीतसिंह घाटगे नाराज; फडणवीसांची घेतली भेट
- Political Crisis : विकासकामांसाठी मंत्री मुश्रीफ भाजपसोबत; कागल मतदार संघातील सर्वसामान्यांच्या प्रतिक्रिया
- Hasan Mushrif : आमदार हसन मुश्रीफ यांना अटकेपासून उच्च न्यायालयाचा दिलासा; पुढील सुनावणी 25 जुलै रोजी
