कोल्हापूर - कोल्हापुरातील जयप्रभा स्टुडिओ संदर्भात ( Jayaprabha studio land Sale at Kolhapur ) चालू असलेल्या प्रकरणात अखिल भारतीय मराठी चित्रपट महासंघाकडून जयप्रभा स्टुडिओ समोर सकाळपासून साखळी पद्धतीने बेमुदत उपोषण सुरू करण्यात आले आहे. मात्र, आक्रमक झालेल्या कोल्हापूरकर आणि काही संघटनांनी जयप्रभा स्टुडिओ खरेदी केलेल्या खरेदीदार रोनक शहा गुंडेशा व पोपट शहा गुंडेशा यांच्या भवानी मंडप परिसरात असलेल्या ऑफिसवर शाई फेक केली. मराठा क्रांती मोर्चा आणि संभाजी ब्रिगेडने ही शाई फेक केली आहे. त्यामुळे आता हे आंदोलन चिघळत असल्याचे दिसून येत आहे. जयप्रभा स्टुडिओ लवकरात लवकर परत करावा, अशी मागणी त्यांनी केली. घटना कळताच जुना राजवाडा पोलीस चौकीचे पोलीस घटनास्थळी दाखल झाले असून सर्व कार्यकर्त्यांना ताब्यात घेतले आहेत.
अखिल भारतीय मराठी चित्रपट महासंघाच्यावतीने जयप्रभा स्टुडिओसमोर सध्या बेमुदत साखळी पद्धतीचे उपोषण सुरू करण्यात आले आहे. तर दुसरीकडे आक्रमक झालेल्या संघटनानी ही जागा खरेदी केलेल्या खरेदीदार रोनक शहा गुंडेशा व पोपट शहा गुंडेशा यांच्या भवानी मंडप परिसरात असलेल्या दुकानावर आज शाई फेक केली आहे. यामुळे आता हे आंदोलन चिघळले आहे. जय भवानी जय शिवाजीच्या घोषणा देत जयप्रभा स्टुडिओ लवकरात लवकर पुन्हा सुरू करावा. अन्यथा त्यापेक्षा तीव्र रित्या आंदोलन करण्यात येईल, असा इशारा देखील यावेळी देण्यात आला आहे. दरम्यान ही माहिती कळताच जुना राजवाडा पोलीस घटनास्थळी दाखल झाले असून सर्व कार्यकर्त्यांना ताब्यात घेतले आहे.
हेही वाचा - Pune Municipal Corporation case : गोंधळ भोवला, भाजपच्या शहराध्यक्षासह ४०० कार्यकर्त्यांवर गुन्हा दाखल
