जालना - तिसऱ्या लाटेला आता सुरुवात झाली ( Third Wave of Corona ) असून या लाटेचा प्रादुर्भाव कधीपर्यंत राहील हे सांगता येत नाही. पण, जानेवारी अखेरपर्यंत ही लाट कायम असेल, असा अंदाज राज्याचे आरोग्यमंत्री राजेश टोपे ( Health Minister Rajesh Tope ) यांनी व्यक्त केला आहे. सोमवारी (दि. 10 जानेवारी) राजेश टोपे हे केंद्रीय आरोग्यमंत्र्यांनी घेतलेल्या कोरोना आढावा बैठकीला उपस्थित होते. त्यानंतर त्यांनी पत्रकारांशी संवाद साधताना ते बोलत होते.
पालकांनी सहकार्य करावे अन् राजकीय पक्षांनी कार्यक्रम रद्द करावे - सध्या कोरोनाच्या वाढत्या संसर्गामुळे राज्यांतील शाळा बंद करण्यात आल्या असून ( School Closed in Maharashtra ) विद्यार्थ्यांची काळजी घेणे गरजेचे आहे. त्यामुळे पालकांनी सहकार्य करावे, असे आवाहन करत शाळा बंदच राहतील, असे टोपे म्हणाले. राज्यातील अनेक राजकीय नेते कोरोना नियम आणि निर्बंधाचे पालन करत नसल्याचे समोर आले आहे. त्यामुळे सर्वांनी सहकार्य करून नियम पाळावे आणि महिनाभर राजकीय पक्षांनी आपापले कार्यक्रम रद्द करावे, असे आवाहनही टोपे यांनी केले आहे.
उद्योग सुरू असलेच पाहिज, पण..- राज्यात कोरोना रुग्णांत वाढ झाल्यानेच निर्बंध लावले ( Restrictions in Maharashtra ) असून लोकांची काळजी घेणे गरजेचे आहे. जान है तो जहान है, असे सांगत उद्योग सुरू असलेच पाहिजे. पण, काळजी घेणेही महत्वाचे आहे, असे टोपे यांनी चंद्रकांत पाटील यांच्या टिकेला उत्तर दिले.
केंद्रीय मंत्र्यांसह झालेली चर्चा - आज केंद्रीय आरोग्यमंत्री मनसुख मांडवीय ( Union Health Minister Mansukh Mandvi ) यांच्या सोबत झालेल्या बैठकीत राज्यातील कोरोना स्थिती, सद्य उपलब्ध असलेली साधनसामुग्री याबाबत चर्चा झाली. राज्यातील नादुरुस्त ऑक्सिजन प्लांट ( Oxygen Plants ) दुरुस्त करून घेण्याच्या सूचना केंद्रीय आरोग्य मंत्र्यांनी दिल्याचेही टोपे यांनी सांगितले. बूस्टर डोस ( Booster Dose ), लहान मुलांना लसीकरण वेग वाढवण्यासाठी सूचना दिल्याचेही टोपे म्हणाले.
हेही वाचा - Danve Mahajan Corona Positive : रावसाहेब दानवे आणि गिरीष महाजन कोरोनाग्रस्त
