जालना - भोकरदन तालुक्यातील भायडी गावाजवळील मुख्य मार्गाने जात असलेल्या धावत्या कारने पेट घेतला. आगीत कार पूर्णपणे जळून खाक झाली आहे. धावडा परिसरात असलेल्या विझोरा येथील प्रकाश गावंडे हे औरंगाबादला जात होते. मात्र, दुपारी एक वाजेच्या दरम्यान तालुक्यातील भायडी गावाजवळ स्विफ्ट कारला अचानक आग लागली त्यात चालक हा कार मध्ये एकटाच असल्याने ताबडतोब वाहनाच्या बाहेर आला.
जालन्यात धावत्या कारने घेतला पेट
हेही वाचा - हिंगोलीत अज्ञातांनी फोडल्या बसच्या काचा; औंढा नागनाथ पोलीस ठाण्यात गुन्हा दाखल
भोकरदन पोलीस ठाण्याचे सह पोलीस निरीक्षकांनी धाव घेऊन अग्निशामक दल व नागरीकांची मदतीने आगीवर नियंत्रण आणले. मात्र तोपर्यंत कार पूर्ण पणे आगीत जळून खाक झाली होती. कोणतीही जिवतहानी झालेली नाही.
हेही वाचा - मुंबईत क्रेडिट कार्ड वसुली एजंटच्या जाचाला कंटाळून तरुणाची आत्महत्या
