जालना - जिल्ह्यात जायकवाडीच्या धरणाच्या डाव्या कालव्याजवळ सुमारे ५० वर्षांपूर्वी बांधण्यात आलेला पूल शनिवारी दुपारी १२ वाजण्याच्या सुमारास कोसळला. दुपारच्या वेळेस ही घटना घडल्याने सुदैवाने जीवितहानी टळली. मात्र, सायंकाळी या मार्गावरिल वाहतूक खोळंबळी होती.
घनसांवगी तालुक्यातील तीर्थपुरी जवळून जायकवाडी धरणाचा डावा कालवा जातो. या कालव्यातून सद्या १६०० क्यूसेक क्षमतेने पाणी वाहत आहे. अशात एकलहेरा ते खापरदेव हिवरा या भागाला जोडणारा ५० वर्षे जुना पूल शनिवारी दुपारी कोसळला. या पूलाचे काम १९७० च्या दरम्यान झाल्याचे समजते. यात सुदैवाने जीवितहानी झाली नाही.
दरम्यान, पूल कोसळल्याने डाव्या कालव्याला कोणताही धोका नसल्याचे कार्यकारी अभियंता राजेंद्र काळे यांनी सांगितलं. पुलाच्या मध्यभागी आधारासाठी विटाचे पिलर तयार करण्यात आले होते. या पिलरची झीज झाल्याने हा पूल कोसळला असल्याचा अंदाज आहे.
हेही वाचा - जिल्ह्यात 50 टक्के कोविड-19 रुग्णांवर रेमडीसीविर इंजेक्शनचा वापर, सकारात्मक परिणाम
हेही वाचा - आरोग्यमंत्र्याच्या गावातील स्त्री रुग्णालयामध्ये सुविधांचा अभाव... पाहा ईटीव्ही भारतचा 'ग्राऊंड रिपोर्ट'
