जळगावच्या इकरा युनानी महाविद्यालयात २८ विद्यार्थ्यांचे रॅगिंग

पीडित विद्यार्थी हा परभणी येथील राहणारा आहे. शुक्रवारी (११ ऑक्टोबर)ला त्याच्या पालकांनी त्याला महाविद्यालयात सोडले होते. यानंतर शनिवारी त्याच्या बॅचचा पहिलाच दिवस होता. दिवसभर महाविद्यालयातील तासिका आटोपल्यानंतर रात्री सर्व विद्यार्थी महाविद्यालयाच्या आवारात असलेल्या वसतिगृहात आपापल्या खोल्यांमध्ये गेले होते. यावेळी १५ ते २० सिनियर्स विद्यार्थ्यांनी पहाटे 2 वाजताच्या सुमारास नव्याने दाखल झालेल्या २८ विद्यार्थ्यांना वसतिगृहाच्या एका हॉलमध्ये नेऊन दरवाजा बंद केला.

जळगाव - कॉलेजच्या पहिल्याच दिवशी मध्यरात्री वसतिगृहात २८ विद्यार्थ्यांना डांबून, विवस्त्र करत त्यांची रॅगिंग घेतल्याचा खळबळजनक प्रकार जळगावातील इकरा युनानी महाविद्यालयात रविवारी पहाटे 2 वाजताच्या सुमारास घडला. हा प्रकार उघडकीस येताच महाविद्यालय प्रशासनाने तीन विद्यार्थ्यांना तत्काळ निलंबित केले. दरम्यान, पीडित विद्यार्थ्याच्या पालकांनी एमआयडीसी पोलीस ठाण्यासह केंद्र सरकारच्या दिल्ली येथील अॅन्टी रॅगिंग सेलकडे मेलद्वारे तक्रार केली आहे.

हेही वाचा - राष्ट्रपती रामनाथ कोविंद दोन दिवसांच्या गुजरात दौऱ्यावर; मोदींच्या आईची घेतली भेट

पीडित विद्यार्थी हा परभणी येथील राहणारा आहे. शुक्रवारी (११ ऑक्टोबर) रोजी त्याच्या पालकांनी त्याला महाविद्यालयात सोडले होते. यानंतर शनिवारी त्याच्या बॅचचा पहिलाच दिवस होता. दिवसभर महाविद्यालयातील तासिका आटोपल्यानंतर रात्री सर्व विद्यार्थी महाविद्यालयाच्या आवारात असलेल्या वसतिगृहात आपापल्या खोल्यांमध्ये गेले होते. यावेळी १५ ते २० सिनिअर्स विद्यार्थ्यांनी पहाटे 2 वाजताच्या सुमारास नव्याने दाखल झालेल्या २८ विद्यार्थ्यांना वसतिगृहाच्या एका हॉलमध्ये नेऊन दरवाजा बंद केला. यानंतर काही विद्यार्थ्यांना विवस्त्र करुन नंतर वेगवेगळ्या प्रकारे त्रास देण्यास सुरूवात केला. सिनेमातील पात्र, प्रियकर-प्रेयसी यांच्याप्रमाणे अॅक्टींग करण्यास सांगून नंतर एकेक विद्यार्थ्यांची ओळखपरेड सुरू केली होती.

हेही वाचा - मुंबईच्या ग्रँट रोड परिसरातील आदित्य आर्केडला भीषण आग, 1 जणाचा मृत्यू

यावेळी पीडित विद्यार्थ्याला काही विद्यार्थ्यांनी शिवीगाळ देखील केली. त्याने विरोध करताच 3-4 जणांनी त्याला खाली वाकवून मारहाण केली. यानंतर त्याच्या खिशातील मोबाईल काढून कचरापेटीत फेकला. खिशातील १८ हजार रुपये देखील काढून घेतले. त्याला तोंडाने फुंकर मारुन ट्युबलाईट विझवण्याची टास्क देण्यात आली. विद्यार्थ्यांचा त्रास असह्य झाल्यानंतर त्याने स्वत:ची सुटका करुन घेत थेट हॉलमधून पळ काढला. यानंतर त्याने सुरक्षारक्षकाच्या मदतीने पालकांना फोन करुन संबंधित माहिती दिली. त्याच्या पालकांनी महाविद्यालय प्रशासनाशी संपर्क केल्यानंतर प्राचार्य डॉ. शोएब शेख हे महाविद्यालयात दाखल झाले. त्यांनी घटनेची चौकशी केली.

हेही वाचा - पंतप्रधान नरेंद्र मोदींची आज जळगावात जाहीर सभा, कडक सुरक्षा व्यवस्था तैनात

रविवारी सकाळी ११ वाजेच्या सुमारास मुदस्सरचे पालक महाविद्यालयात दाखल झाले होते. महाविद्यालय प्रशासनाने पालकांसमोर घडलेला प्रकार मान्य करीत दोषी असलेल्या तीन विद्यार्थ्यांना तत्काळ निलंबित केले. दरम्यान, पीडित विद्यार्थ्याचा याचा मोबाईल व रोख रक्कम काही जणांनी लांबवला आहे. त्याबद्दलची तक्रार त्याने एमआयडीसी पोलीस ठाण्यात केली आहे. या प्रकारामुळे जळगावच्या शैक्षणिक वर्तुळात खळबळ उडाली आहे.