हिंगोली - येथील मारवाडी युवा मंचच्यावतीने नेहमीच समाजीक उपक्रम राबविले जातात. सर्वसामान्य तसेच गरीबांसाठी काही सात्विक भोजन देऊन त्यांची भूक भागविण्यासाठी उपक्रम हाती घेण्यात आला आहे. या उपक्रमातून कोणाच्या तरी भूक भागवत रोजगार ही उपलब्ध करून देण्याचा या महिलांचा मानस आहे. या उपक्रमाचा भविष्यात सुरू होणाऱ्या शिवभोजन थाळीवर परिणाम होण्याची शक्यता नाकारता येत नाही.
हेही वाचा - पुलावरून दुचाकी कोसळून अपघात; एक ठार, दोघे गंभीर जखमी
या उपक्रमाच्या उद्घाटन आमदार तान्हाजी मुटकुळे, संतोष बांगर, विपलव बाजोरिया, जिल्हा परिषद अध्यक्ष गणजी बेले, जिल्हाधिकारी रुचेश जयवंशी, उपनगराध्यक्ष दिलीप चव्हाण यांच्या हस्ते करण्यात आले. मुख्यमंत्र्यांनी 10 रुपयात शिवभोजन थाळी देण्याची घोषणा करून अनेक दिवस उलटले आहेत. परंतू ही थाळी सुरू होण्यापूर्वीच हिंगोलीत मारवाडी युवा मंचच्यावतीने अन्नपूर्णा योजना राबवण्यास सुरुवात झाली आहे.
हेही वाचा - धक्कादायक! लोहगाव आश्रम शाळेतील विद्यार्थी समस्यांनी त्रस्त, पुरेसे जेवणही मिळत नाही
हिंगोली जिल्हा अजूनही मागासलेलाच समजला जातो. जिल्ह्यातुन हातावर पोट घेऊन दाखल झालेले सर्वसामान्य कुटुंब तसेच गरीब, भटके यांना जेवणावाचून रस्त्यावर उपाशीपोटी तर कधी अर्धपोटी राहावे लागते. त्यामुळे त्यांची भूक भागवण्याचा प्रयत्न मारवाडी महिला मंचच्यावतीने हा मत्त्वपुर्ण उपक्रम हाती घेतला आहे. या सात्विक भोजनात अवघ्या दहा रुपयात दोन पोळ्या, भाजी, मसाले भात दिला जाणार आहे. त्यामुळे निश्चितच काही प्रमाणात का होईना पण या उपक्रमामुळे गरजवंताची उपाशीपोटी रात्र ढकलण्याची वेळ टळेल.
हेही वाचा - ..अखेर त्या झोपडीत शिकणाऱ्या चिमुकल्यांना मिळणार हक्काची शाळा!
मारवाडी समाजात एखाद्याच्या घरी अंत्यविधी झाल्यास उठावणाच्या दिवशी भोजनाचा कार्यक्रम याच मंचच्या वतीने आयोजित केला जातो. त्याच धर्तीवर आता दहा रुपयात सात्विक भोजनाचा उपक्रम हाती घेण्यात आला आहे. महिलांसोबत मारवाडी समाजातील पुरुष देखील या उपक्रमात सहभागी झालेले आहेत. यासाठी मारवाडी मंचच्या शाखा अध्यक्षा मीना झंवर, सविता अग्रवाल, सुनीता खंडेलावाल आणि मारवाडी युवा मंच जिल्हाध्यक्ष पवन उपाद्य यासाठी प्रयन्त करीत आहे. बाराही महिने हा उपक्रम राबविण्यात येणार असल्याने, भविष्यात सुरु होणाऱ्या शिवभोजन थाळीवर या उपक्रमाचा निश्चितच परिणाम होण्याची शक्यता नाकारता येत नाही. बस्थानक परिसरात सकाळी 11 ते 2 या वेळेत भोजन दिले जाणार आहे. याला चांगला प्रतिसाद मिळाल्यास भविष्यात हा उपक्रमात नि:शुल्क राबवण्याचा मानस असल्याचे सविता अग्रवाल यांनी सांगितले.
