हिंगोली - सलग नऊ दिवस पावसाच्या हाहाकारामुळे पिकांचे अतोनात नुकसान झाले आहे. खरीपाचे पीक वाया गेल्याने राज्यातील शेतकरी हवालदिल झाला आहे. अशातच धक्का सहन न झालेल्या औंढा नागनाथ तालुक्यातील एका शेतकऱ्याने विष पिऊन आत्महत्येचा प्रयत्न केला. सध्या शेतकऱ्यावर ग्रामीण रुग्णालयात उपचार सुरू आहेत. सरकारने अजुनही मदत न केल्याने या घटना घडत असल्याचे समोर येत आहे.
हेही वाचा - ४ नोव्हेंबरला राज्यात नवीन राजकीय समीकरण? शरद पवार घेणार सोनिया गांधी यांची भेट
प्रकाश इंगोले या शेतकऱ्याचा प्रयत्न केला होता. हिंगोली जिल्ह्यात परतीच्या पावसाने शेतकऱ्यांचे पूर्णता कंबरडेच मोडले आहे. हातातोंडाशी आलेला घास आपल्या डोळ्यादेखत वाय गेल्याने शेतकरी चिंतेत आहे. तसेच शेतकऱ्यांचे आर्थिक नियोजन कोलमडले आहे. या अवकाळी पावसाचा शेतकऱ्यांना मोठा फटका बसला आहे अनेकांची स्वप्न धुळीत मिसळली आहेत. या हंगामात डोक्यावरील कर्जाचा डोंगर कमी होण्याची अपेक्षा शेतकऱ्यांना होती. मात्र, पीक वाया गेल्याने ती पूर्णपणे फोल ठरली आहे.
इंगोले यांना तीन एकर शेती असून, डोक्यावर 80 हजार रुपयाचे कर्ज आहे. संतधार पावसाच्या या फटक्याने ते खचून गेले होते. त्यामुळे त्यांनी कर्ज फेडण्याच्या विवंचनेतून विष प्राशन करुन आत्महत्येचा प्रयत्न केला आहे. ही बाबा घरच्यांच्या लक्षात येताच त्यांनी तात्काळ त्यांना ग्रामीण रुग्णालयात उपचारासाठी हलविले.
सध्या प्रशासन स्तरावर नुकसानग्रस्त भागाची पाहणी करून पंचनामे केले जात आहेत. त्यामुळे शेतकरी मोठ्या आशेने बांधावर उभे राहून पंचनाम्यासाठी येणाऱ्या अधिकारी-कर्मचाऱ्यांची प्रतीक्षा करीत आहेत.
हेही वाचा - सरकार शेतकऱ्यांच्या पाठीशी खंबीरपणे उभे - सदाभाऊ खोत
