हिंगोली - जिल्ह्यात गेल्या काही दिवसांपासून रिपरिप पाऊस सुरू आहे. सोमवारी सकाळी 8 वाजेपर्यंतच्या मागच्या 24 तासात एकूण 04.92 मिलीमीटर पावसाची नोंद करण्यात आली. जिल्ह्यात दिवसभरात सरासरी 24.60 मिलीमीटर पाऊस झाला असून आतापर्यंत सरासरी 224.31 मि.मी. पावसाची नोंद झाली आहे.
संपूर्ण महाराष्ट्रात पावसाची संततधार सुरू असताना हिंगोली जिल्ह्यातही पावसाने जोरदार हजेरी लावली. जिल्ह्यात सोमवारी वार्षिक सरासरीच्या तुलनेत 25.13 टक्के इतकी पावसाची नोंद करण्यात आली आहे.
जिल्ह्यात दिनांक 28 जुलैला सकाळी 8 वाजेपर्यंतच्या मागच्या 24 तासात झालेला पावसात हिंगोलीत - 04.86 (213.38), वसमत 03.57 (139.29), कळमनुरी - 06.00 (260.59), औंढा नागनाथ - 04.50 (289.75), सेनगांव - 05.67 (218.62) एवढी नोंद करण्यात आली आहे. तर जिल्ह्यात सोमवारी पावसाची सरासरी 224.31 नोंद प्रशासनाकडे झाली आहे.
