गडचिरोली : ब्रेक दी चैन अंतर्गत जिल्ह्यात १५ मे पर्यंत जमावबंदी व टाळेबंदी लागू करण्यात आली आहे. याबाबत जिल्हाधिकारी दीपक सिंगला यांनी आदेश लागू केले आहेत.
मिशीन बिगीन अगेन अंतर्गत नियमावली व उपाययोजना जिल्ह्यात लागू आहेत. त्याअनुषंगाने शासन आदेशातील तरतुदीच्या अनुषंगाने गडचिरोली जिल्ह्यातील नागरी, ग्रामीण तसेच औद्योगिक क्षेत्रात जिल्हाधिकारी तथा अध्यक्ष, जिल्हा आपत्ती व्यवस्थापन प्राधिकरण, गडचिरोली यांनी शासन निर्देशाप्रमाणे ब्रेक द चैन अंतर्गत जिल्ह्यात जमावबंदी व टाळेबंदीसंदर्भात नियमावली आणि उपाययोजना कालावधी १ मे २०२१ चे सकाळी ७ वाजल्यापासून दिनांक १५ मे २०२१ चे सकाळी ७ वाजेपर्यंत लागू केले आहे.
यापुर्वीचे शासन आदेशातील अटी, शर्ती दंडाबाबत निर्देशाचे काटेकोरपणे पालन करणे सर्व संबंधित व्यक्ती, आस्थापना व शासकीय- निमशासकीय विभागांना बंधनकारक असेल जिल्हाधिकारी व जिल्हादंडाधिकारी तथा अध्यक्ष, जिल्हा आपत्ती व्यवस्थापन प्राधिकरण, दीपक सिंगला यांनी कळविले आहे.
हेही वाचा - बुध्दीजीवी लोक भारताची प्रतिमा खराब करीत आहेत - कंगना रणौत
