गडचिरोली - शनिवारी जिल्ह्यात 466 नवीन कोरोनाबाधित आढळले. तर 218 जणांनी कोरोनावर मात केली. जिल्ह्यात आत्तापर्यंत 11 हजार 466 रुग्णांनी कोरोनावर मात केली. तसेच सध्या 2 हजार 819 सक्रिय कोरोना बाधितांवर उपचार सुरू आहेत.
आतापर्यंत 200 जणांचा मृत्यू
आज (शनिवारी) 15 रुग्णांचा मृत्यू झाला. तसेच जिल्ह्यातील कोरोना रूग्ण बरे होण्याचे प्रमाण 79.16 टक्के, सक्रिय रूग्णांचे प्रमाण 19.46 टक्के तर मृत्यू दर 1.38 टक्के इतका आहे. तसेच 466 बाधितांमध्ये नोंद झाली. यामध्ये गडचिरोली तालुक्यातील 196, अहेरी तालुक्यातील 33, आरमोरी 35, भामरागड तालुक्यातील 5, चामोर्शी तालुक्यातील 24, धानोरा तालुक्यातील 8, एटापल्ली तालुक्यातील 21, कोरची तालुक्यातील 33, कुरखेडा तालुक्यातील बाधितामध्ये 44, मुलचेरा तालुक्यातील बाधितामध्ये 14, सिरोंचा तालुक्यातील बाधितामध्ये 11 तर वडसा तालुक्यातील बाधितामध्ये 42 जणांचा समावेश आहे. तर आज कोरोनामुक्त झालेल्या 218 रूग्णांमध्ये गडचिरोलीमधील 81, अहेरी 23, आरमोरी 11, भामरागड 30, चामोर्शी 06, धानोरा 13, एटापल्ली 13, सिरोंचा 12, कोरची 9, कुरखेडा 3, तसेच वडसा 17 येथील जणांचा समावेश आहे.
