धुळे - जिल्ह्यातून नंदुरबारकडे विदेशी दारू घेऊन जाणार्‍या ट्रकला चिमठाणेनजीक पुलावर अपघात झाला. यामुळे ट्रकमधील विदेशी दारूच्या बॉक्ससह इतर साहित्य रस्त्यावर विखुरले होते. यावेळी या बाटल्या घेऊन जाण्यासाठी एकच झुंबड उडाली.
हेही वाचा - ईटीव्ही भारत इम्पॅक्ट : नरवीर सुभेदार तानाजी मालुसरे स्मारकाचे होणार सुशोभीकरण, लोकप्रतिनिधींकडून दखल
या अपघातात ट्रक चालक गंभीर जखमी झाला आहे. त्याच्यावर प्राथमिक आरोग्य केंद्रात उपचार सुरू आहेत. नंदुरबारकडे जाणाऱ्या या ट्रकला समोरून येणार्‍या वाहनाने हुलकावणी दिल्याने ही दुर्घटना घडली. या घटनेनंतर महामार्गावरील वाहतूक ठप्प झाली होती. सुमारे २ ते ३ किलोमीटर अंतरापर्यंत वाहनांच्या रांगा लागल्या. या अपघातात दारुच्या बाटल्या फुटून लाखोंचे नुकसान झाले आहे.
हेही वाचा - ठाणे : उल्हासनगर येथे तरुणाचा खून, हत्येची घटना सीसीटीव्हीत कैद
