धुळे - शहरात आज 5 जणांचे कोरोना तपासणीचे अहवाल पॉझिटिव्ह आले आहेत, तर शिरपूरमध्ये कोरोनाचा उद्रेक पाहायला मिळत आहे. शिरपूरमध्ये तब्बल 14 रुग्णांची भर पडली आहे. त्यात अडीच वर्षाच्या चिमुकल्याचा देखील समावेश आहे.
सकाळपासून धुळे जिल्ह्यात एकही कोरोनाबाधित आढळून आला नव्हता. मात्र, संध्याकाळी आरोग्य विभागाकडून मिळालेल्या अहवालानुसार जिल्ह्यात 19 रुग्णांची भर पडली आहे. यामुळे आरोग्य यंत्रणेच्या चिंतेत वाढ झाली आहे.
धुळे जिल्ह्यातील कोरोनाबाधितांचा आकडा 156 वर जाऊन पोहोचला आहे. जिल्ह्यात आतापर्यंत 16 जणांनी कोरोनामुळे आपला जीव गमावला असून 66 जणांनी कोरोनावर मात केली आहे.
