चंद्रपूर : आज जागतिक व्याघ्रसंवर्धन दिन ( International Tiger Day ) हा पहिल्यांदाच चंद्रपूर शहरात राष्ट्रीय पातळीवर आयोजित करण्यात आला. केंद्रीय पर्यावरण मंत्री भुपेंद्र यादव ( Environment Minister Bhupendra Baghel ) चंद्रपुरात असताना त्यांनी एका स्टॉलला भेट दिली. येथे उपस्थित महिला वन कर्मचाऱ्याने नकळत मराठीत संवाद साधत त्यांना या स्टॉलची माहिती दिली. असे असताना मूळचे हिंदी भाषिक असलेले यादव शांतपणे हे सर्व ऐकत होते, यावेळी त्यांना मराठी भाषेबद्दल विचारले असता त्यांनी 'मुझे मराठी समझती है' असे म्हणाले. यावेळी या कर्मचाऱ्याला ही चूक लक्षात येताच तिने हिंदीत संवाद साधायचा सुरू केले. मात्र, यादव यांनी 'आपण मराठीतच बोला', असा आग्रह केला. त्यामुळे सर्वांनाच सुखद धक्का बसला. यादव यांचा संयमीपणा, त्यांचे भाषाज्ञान हा चर्चेचा विषय ठरला आहे.
बांबू संशोधन, प्रशिक्षण केंद्राच्या स्टॉलला भेट - आज जागतिक व्याघ्रसंवर्धनदिन हा पहील्यांदाच चंद्रपूर शहरात राष्ट्रीय पातळीवर आयोजित करण्यात आला. देशाचे केंद्रीय पर्यावरणमंत्री भुपेंद्र बघेल ( Union Environment Minister Bhupendra Yadav) यांच्या मुख्य उपस्थितीत हा कार्यक्रम पार पडला. कार्यक्रमाला केंद्रीय पर्यावरण राज्यमंत्री अश्विनी कुमार चौबे ( Ashwini Kumar Choubey ) तसेच देशातील राष्ट्रीय व्याघ्र संवर्धन प्राधिकरणाचे ( National Tiger Conservation Authority ) वरीष्ठ अधिकारी उपस्थित होते. यावेळी पर्यावरण संवर्धनासाठी उल्लेखनीय कार्य करणाऱ्या देशभरातील निवडक अधिकाऱ्यांचा सत्कार करण्यात आला. हा कार्यक्रम आटोपल्यावर केंद्रीय पर्यावरण मंत्री यादव यांनी बांबू संशोधन, प्रशिक्षण केंद्राच्या स्टॉलला भेट दिली. येथे या केंद्राच्या पर्यवेक्षिका योगिता साठवणे उपस्थित होत्या. या केंद्रात बांबूपासून तयार होणाऱ्या वैविध्यपूर्ण वस्तूची माहिती देण्यास साठवणे यांनी सुरुवात केली, मात्र मराठीत.
हेही वाचा - UK Based Kerala Engineer Builds Plane : केरळच्या अभियंत्याने लॉकडाऊनमध्ये बनविले स्वतःचे विमान
हा मुझे मराठी समझती है - मूळचे हिंदी भाषिक असलेले यादव यांना आपण नकळतपणे मराठीत ही माहिती देतोय याची कल्पना त्यांना नव्हती. मात्र, यादव ही सर्व माहिती लक्षपूर्वक ऐकून समजून घेत होते. ही गोष्ट यादव यांच्या मागे उभे असलेले अपक्ष आमदार किशोर जोरगेवार ( MLA Kishore Jorgewar ) यांच्या लक्षात आली. यावेळी त्यांनी यात हस्तक्षेप करत "सर, आपको मराठी आती है क्या?" असं मिश्किलपपणे विचारले. यावर यादव यांनी "हा मुझे मराठी समझती है" असे म्हणत त्यांनी महिला कर्मचाऱ्याने मराठीत सांगितलेली माहिती हिंदीत सांगितली. त्यांच्या या भाषाज्ञानाने सर्वच अवाक झाले. यावेळी पर्यवेक्षिकेला आपली चूक लक्षात येताच त्यांनी हिंदीत माहिती द्यायला सुरुवात केली, मात्र यादव यांनी मराठीचा आग्रह धरला. त्यांनी मराठीत माहिती ऐकल्यानंतरच पुढे मार्गक्रमण केले. एरव्ही मंत्री अधिकाऱ्यांच्या छोट्याश्या चुकीवर फैलावर घेतात, त्यांना अशा चुकीची शिक्षा आपल्या सेवेत भोगावी लागते. हिंदी भाषिक असलेल्या यादव यांना हिंदीत ही माहिती देने आवश्यक होते. उलट मराठीतून माहिती घेण्याला त्यांनी प्राधान्य दिले. त्यामुळे केंद्रीय पर्यावरण मंत्री भुपेंद्र यादव यांचा संयमीपणा, तसेच त्यांच्या भाषाज्ञानाने सर्वांचीच मने जिंकली.
हेही वाचा - मुंबई आंतरराष्ट्रीय विमानतळाजवळील 48 इमारती पाडण्याचे उच्च न्यायालयाचे जिल्हाधिकाऱ्यांना आदेश
