चंद्रपूर - शिवसेनेला आमच्या वरिष्ठ नेत्यांनी ऑफर दिलेली आहे. शिवसेनेचा मुख्यमंत्री करायला भाजप तयार होत नसेल, तर आदित्य ठाकरेंना मुख्यमंत्री करायला आम्ही तयार आहोत. काँग्रेस आणि राष्ट्रवादी बाहेरून पाठींबा देईल. आम्हाला मंत्रीपदाची गरज नाही, असे मत काँग्रेसचे नवनिर्वाचित आमदार सूभाष धोटे यांनी व्यक्त केले. गोंडपिपरीतील सभेत ते बोलत होते.
बोलताना आ. सुभाष धोटे
राजुरा विधानसभा क्षेत्रात यावेळी अटीतटीची लढत झाली. गोंडपिपरीने आम्हाला कौल दिला. या विश्वासाला तडा जाऊ देणार नाही. राजुरा विधानसभेचा सर्वांगीण विकास हे आपले कायम ध्येय राहिले आहे. त्यातच गोंडपिपरी तालुक्याच्या विकासाला अतिप्राध्यान दिल जाईल, असे आश्वासन धोटे यांनी दिले. गोंडपिपरीत सुभाष धोटे यांच्या विजयानिमित्त रॅली काढून शक्तीप्रदर्शन करण्यात आले.
