धक्कादायक...! नऊ वर्षाच्या शाळकरी मुलाचा खून

नऊ वर्षाच्या शाळकरी मुलाचा गळा आवळून खून केल्याचा धक्कादायक प्रकार समोर आला आहे. गोंडपिपरी तालुक्यातील धामणगाव येथे संबंधित घटना घडली असून खुनाचे कारण अद्याप अस्पष्ट आहे.

चंद्रपूर - नऊ वर्षाच्या शाळकरी मुलाचा गळा आवळून खून केल्याचा धक्कादायक प्रकार समोर आला आहे. गोंडपिपरी तालुक्यातील धामणगाव येथे संबंधित घटना घडली असून खुनाचे कारण अद्याप अस्पष्ट आहे. घटनास्थळी गोंडपिपरी पोलीस दाखल झाले असून श्वानपथकाला पाचारण करण्यात आले आहे. उज्वल गेमाजी खेडेकार असे मृत मुलाचे नाव आहे.

धामणगावमधील जिल्हा परिषद शाळेजवळील चिंचेच्या झाडाखाली उज्वलचा मृतदेह आढळून आल्याने एकच खळबळ उडाली आहे.

हेही वाचा : ट्रकचालक खून प्रकरणातील सहा आरोपींना पुण्यातून अटक, 75 लाखांचा मुद्देमाल जप्त..

उज्वलचा गळ्याला ओढणी आवळलेली होती. दरम्यान, या घटनेची माहिती गोंडपिपरी पोलिसांना देण्यात आली. घटनास्थळी पोलीस दाखल झाले आहेत. श्वानपथकाला पाचारण करण्यात आले असून, पुढील तपास सुरू आहे.