बुलडाणा - कोणाला निवडून द्यायचे हा लोकांचा निर्णय आहे. पहिल्यांदा निवडणूक लढवून निवडून येताना आपण घराणेशाही म्हणू शकतो. पण, दुसऱ्या निवडणुकीला ते घराणेशाही म्हणून निवडून येत नाहीत, तर ते त्यांच्या स्वतःच्या कर्तृत्वाने निवडून येत असतात, असे उत्तर राजकारणात घराणेशाहीलाच का संधी दिली जाते? या प्रश्नावर आमदार रोहित पवार यांनी दिले.
राजर्षी शाहू फाऊंडेशनचे अध्यक्ष संदीप शेळके यांच्या संकल्पनेतून 'युवा संवाद' कार्यक्रमाचे जिजामाता महाविद्यालयाच्या मैदानात आयोजन केले होते. यावेळी पवार यांनी युवक, युवतींच्या प्रश्नांना उत्तरे दिली.
हेही वाचा - एटीएम क्लोन करून खामगावात पोलिसालाच चुना, खात्यातून ८० हजार लंपास
एखाद्याने त्याच्या कर्तृत्वाने त्यांच्या मतदारसंघात जर चांगले काम केले असेल, तर त्यांना संधी दिली गेली पाहिजे, असे मतही पवार यांनी व्यक्त केले. यावेळी उद्योजक आमदार रोहित पवार यांनी राजकीय विषयांबाबत युवकांना पडणारे प्रश्न आणि उद्योग, शिक्षण, रोजगार, सामाजिक, शैक्षणिक विषयावर युवकांशी संवाद साधला.
हेही वाचा - बुलडाण्यात अस्वलाच्या हल्ल्यात शेतकरी जखमी
