बुलडाणा - राजमाता जिजाऊंचे जन्मस्थान सिंदखेड राजा येथे नियोजित स्मारकाच्या बाबतीत गेल्या पाच वर्षात राज्य आणि केंद्र सरकारकडून केवळ निराशा मिळाल्याची खंत, खासदार सुप्रिया सुळे यांनी व्यक्त केली आहे. जिजाऊ जन्मोत्सवानिमित्त अभिवादन करण्यासाठी आल्या असता त्या माध्यमांशी बोलत होत्या.
हेही वाचा - बीडमध्ये जिजाऊ जयंती उत्साहात साजरी; विविध क्षेत्रातील मान्यवर उपस्थिती
सुप्रिया सुळे म्हणाल्या, "अनेक वर्षांपासून मी सिंदखेड राजा इथे येते. यंदा स्मारक पूर्ण झाले असेल अशी अपेक्षा होती. मात्र, अद्यापही येथे अनेक कामे अपूर्ण आहेत. ही बाब अतिशय निराशाजनक आहे" आगामी काळात जिजाऊ स्मारकाचे काम तातडीने पूर्ण केले जाईल, असे आश्वासनही त्यांनी दिले आहे. यावेळी जिल्ह्याचे पालकमंत्री डॉ.राजेंद्र शिंगणे, जिल्हाध्यक्ष नाजेर काझी यांच्यासह पदाधिकारी-कार्यकर्ते उपस्थित होते.
