बुलडाणा - चिखली तालुक्यातील अमडापूर येथील शेतकऱ्यांच्या विहिरींवरील मोटार-पंप चोरणाऱ्या चोरट्याला बुलडाणा स्थानिक गुन्हे शाखेच्या पोलीस पथकाने बुधवारी अटक केली. त्याच्याकडून 45 हजारांचे तीन मोटार-पंप हस्तगत करण्यात आले. राहुल देविदास महापूरे (48) असे अटक करण्यात आलेल्या चोरट्याचे नाव आहे.
अमडापूर येथील शेतकऱ्यांच्या शेतातील विहिरीतून मोटार-पंप चोरी जाण्याचा प्रमाण वाढले होते. याप्रकरणी शेतकऱ्यांनी अमडापूर पोलीस स्टेशनला तक्रार दाखल केली होती. या प्रकरणाची चौकशी करताना अमडापूर येथील राहुल देविदास महापूरे याच्याजवळ चोरी गेलेले मोटार-पंप असल्याची माहिती पोलिसांना मिळाली. त्याला बुधवारी संध्याकाळी ताब्यात घेऊन त्याची विचारपूस केली असता, त्याने मोटार-पंप चोरल्याची कबुली दिली. यावेळी त्याच्याकडून 45 हजारांचे तीन मोटार-पंप हस्तगत करण्यात आले.
हेही वाचा- विजेचा प्रवाह सोडून मासे पकडणे पडले महागात, दोन युवकांचा शॉक लागून मृत्यू
