भंडारा - जिल्ह्यात एका खाजगी आरोग्य शिबिरादरम्यान कालबाह्य औषधांचे वितरण केल्याचा धक्कादायक प्रकार उघडकीस आला आहे. भंडारा जिल्ह्याच्या पवनी तालुक्यातील आसगाव मध्ये संबंधित प्रकार घडला आहे. हा प्रकार उघडकीस आल्यावर गावकऱ्यांनी संताप व्यक्त केला आहे. या प्रकरणाची चौकशी होऊन दोषी लोकांवर कारवाईची मागणी केली आहे. तर हे शिबीर खाजगी डॉक्टरांनी आयोजित केले असून आमच्या आरोग्य विभागामार्फत झालेल्या प्रकरणाची चौकशी केली जाणार असल्याचे आसगाव प्राथमिक आरोग्य केंद्राच्या वैद्यकीय अधिकाऱ्यांनी सांगितले आहे.
प्राथमिक आरोग्य केंद्रात आयोजित केले शिबीर रविवारी एका खाजगी संस्थेद्वारे आसगाव प्राथमिक आरोग्य केंद्राच्या आवारात रक्तदान शिबिर व निःशुल्क नेत्रतपासणी शिबिराचे आयोजन करण्यात आले होते. गावातील लोकांनी या शिबिरात मोठ्या संख्येने सहभाग घेतला होता. या शिबिरामध्ये अनेक रुग्णाच्या डोळ्यांची तपासणी आणि आय ड्रॉपचे वितरण करण्यात आले.
एका युवकामुळे समजली घटना
शिबिराच्या दुसऱ्या दिवशी 2 ऑगस्टला हे औषध कालबाह्य असल्याचे काही लोकांना दिसले. त्या ड्रॉप वर मे 2021 ही शेवटची तारीख होती. घटनेचे गांभीर्य लक्षात घेता गावातील एका युवकाने यांची तक्रार टिवटरद्वारे थेट आरोग्य मंत्री राजेश टोपे, मुख्यमंत्री उद्भव ठाकरे व विरोधी पक्ष नेते देवेंद्र फडणवीस यांना केली आहे. या नंतर हा संपूर्ण प्रकार उघडकीस आला आहे.
सरपंचाने दोषींवर केली कारवाईची मागणी. ही माहिती लोकांना समजताच, त्यांनी प्राथमिक आरोग्य केंद्रात गर्दी करत संताप व्यक्त केला. गावातील तब्बल 50 लोकांना कालबाह्य औषध दिल्याची शक्यता आहे. डोळा हा शरीराचा अत्यंत नाजूक भाग असून, इतकी चूक कशी होते असा संतप्त सवाल गावकरी विचारत आहेत. ग्रामपंचायतीने गावकऱ्यांच्या आरोग्यासाठी या शिबिराची परवानगी दिली होती. मात्र, कालबाह्य औषधे देऊन लोकांच्या जीवाशी खेळण्याचा प्रकार सुरू असल्यास,यावर कारवाई करण्याची मागणी सरपंचाने केली आहे.
आरोग्य विभागाने फेटाळले आरोप ग्रामपंचायत हे या खाजगी शिबिरासाठी प्राथमिक आरोग्य केंद्राची जागा मागितली त्यामुळे जागा वापरण्याची परवानगी आम्ही दिली. केवळ आरोग्य शिबिराने गावातील लोकांच्या आरोग्यची निशुल्क तपासणी होत असल्याने आम्ही आमचा परिसर दिला त्यामुळे या शीबिराचा प्राथमिक आरोग्य केंद्राशी कोणताही संबंध नाही. मात्र हे या संपूर्ण प्रकारची आरोग्य विभागामार्फत चौकशी होणार असल्याचे प्राथमिक आरोग्य केंद्राच्या डॉक्टर ने सांगितले.
औषधाचे तपासणी गरजेची आरोग्य शिबीर आयोजित करण्यात काही गैर नाही. मात्र, देत असलेले औषध तपासणे गरजेचे आहे. असे कणे जीवावर बेतू शकते. औषधाचा वापर या गावातील अनेक लोकांनी केला आहे. त्यांमुळे या गावातील लोकांची परत तपासणी करण्याची गरज आहे. तर यांची तक्रार आता थेट राज्यातील मंत्र्याना केली आहे.
