भंडारा : कोरोनावर मात करण्यासाठी जिल्हाधिकाऱ्यांनी राबविला चार सूत्री कार्यक्रम

या चार सूत्री कार्यक्रमात जास्तीत जास्त कंटेनमेंट झोन तयार करण्यात आले. ज्या परिसरात किंवा इमारतीमध्ये कोरोनाची रुग्णसंख्या जास्त असेल त्या ठिकाणी कंटेनमेंट झोन निर्माण केला. संपूर्ण जिल्ह्यात जवळजवळ 400च्यावर कंटेनमेंट झोन तयार करुन त्याठिकाणी पोलिसांना तैनात करण्यात आले. अनेक अधिकारीही या ठिकाणी पाहणीसाठी नेमण्यात आले. जिल्हाधिकारींनीही अशा ठिकाणी भेट देत तेथील नागरिकांशी संवाद साधला आणि त्यांचे मनोबल वाढवीत परिसराच्या आत राहण्याचे निर्देश दिले.

भंडारा - 'ब्रेक द चैन' चैन अंतर्गत जिल्हाधिकारी संदीप कदम यांनी राबविलेल्या चार सूत्री कार्यक्रमाने भंडारा जिल्ह्यातील कोरोनावर नियंत्रण मिळविण्यात यश मिळाले आहे. कोरोनावर मात करणाऱ्यांच्या संख्येतही वाढ होताना दिसत आहे. भंडारा जिल्ह्यात 14 दिवसांत तब्बल 13 हजारांच्यावर रुग्णांनी कोरोनावर मात केली आहे. 1 मेपासून 14 मेपर्यंत तब्बल 13 हजार 078 रुग्ण बरे झाले आहेत. जिल्ह्यात रुग्ण बरे होण्याचा दर 91.53 टक्क्यांवर गेला आहे.

लॉकडाऊनचे कडक पालन -

भंडारा जिल्ह्यात दुसऱ्या लाटेने अक्षरक्षा: थैमान घातले आहे. पहिल्या लाटेच्या तुलनेत दुसऱ्या लाटेत 39 हजार 153 जणांना कोरोनाची लागण झाली. तर 684 बाधितांचा मृत्यु झाला आहे. या सर्वांवर नियंत्रण मिळविण्यासाठी जिल्हाधिकारी संदीप कदम यांनी चार सूत्री कार्यक्रम आखुन त्याची कडक अंमलबजावणी सुरू केली. लॉकडाऊनची 100 टक्के अंमलबजावणी व्हावी यासाठी उपाययोजना केल्या. ठरलेल्या वेळेत अत्यावश्यक सेवेच्या सर्व दुकाने आणि बाजारपेठ बंद करण्यासाठी पोलीस प्रशासनाची मदत घेतली.

कंटेनमेंट झोनची निर्मिती -

या चार सूत्री कार्यक्रमात जास्तीत जास्त कंटेनमेंट झोन तयार करण्यात आले. ज्या परिसरात किंवा इमारतीमध्ये कोरोनाची रुग्णसंख्या जास्त असेल त्या ठिकाणी कंटेनमेंट झोन निर्माण केला. संपूर्ण जिल्ह्यात जवळजवळ 400च्यावर कंटेनमेंट झोन तयार करुन त्याठिकाणी पोलिसांना तैनात करण्यात आले. अनेक अधिकारीही या ठिकाणी पाहणीसाठी नेमण्यात आले. जिल्हाधिकारींनीही अशा ठिकाणी भेट देत तेथील नागरिकांशी संवाद साधला आणि त्यांचे मनोबल वाढवीत परिसराच्या आत राहण्याचे निर्देश दिले.

हेही वाचा - काँग्रेसच्या मंत्र्याने केले गडकरींचे कौतुक, फडणवीसांना काढला चिमटा

मेडीवेस्टची योग्य विल्हेवाट -

या कोरोना महामारीच्या काळात मोठ्या प्रमाणात वैद्यकीय कचरा निर्माण होत होता सुरुवातीला हा कचरा बरेचदा इकडे-तिकडे फेकला, अशा बातम्या बाहेर येत होत्या. त्यामुळे संसर्ग अजून वाढण्याची शक्यता होती याची जाणीव असल्याने जिल्हाधिकाऱ्यांनी दुसऱ्या लाटेत निर्माण होणारा वैद्यकीय कचऱ्याची योग्य विल्हेवाट लावत जिल्ह्याबाहेर पोहोचविला.

ऑक्सिजन कॉन्सन्ट्रेटर वाढविले -

एप्रिल महिन्यात अचानक रुग्णसंख्या वाढायला सुरुवात झाल्यानंतर ऑक्सिजनचा तुटवडा भासायला लागला. त्यातच भंडाऱ्यापासून लांब असलेल्या तालुक्यांमध्ये ऑक्सिजन पुरवठा करणे शक्य होत नव्हते. त्यामुळे जिल्हाधिकाऱ्यांनी जास्तीत अतिगंभीर रुग्णांना ऑक्सिजन कॉन्सन्ट्रेटर पुरविणे या बाबी समाविष्ट केल्या. त्यामुळे ग्रामीण भागातील बऱ्याच रुग्णांचे प्राण वाचविणे शक्य झाले. या चार सूत्री कार्यक्रमामुळे कोरोनावर नियंत्रण मिळविले असून 14 दिवसात 13 हजारांच्यावर रुग्णांनी कोरोनावर मात केली आहे.

शुक्रवारी केवळ 100 रुग्णांची नोंद -

जिल्ह्यात आज (शुक्रवारी) 563 रुग्ण बरे होऊन घरी गेले. आतापर्यंत एकूण बरे झालेल्या रुग्णांची संख्या 52 हजार 182 झाली आहे. तर आज 100 नविन बाधितांची नोंद करण्यात आली. याबरोबरच जिल्ह्यातील एकूण पॉझिटिव्ह रुग्णांची संख्या एकूण संख्या 57 हजार 5 इतकी झाली आहे. याबरोबरच आज केवळ 2 लोकांचा मृत्यू झाला. सध्या जिल्ह्यात 3 हजार 814 सक्रिय रुग्ण आहेत. तर रुग्ण बरे होण्याचे प्रमाण 91.53 टक्के आहे.

हेही वाचा - रस्त्यावर थुंकणाऱ्याकडून यूपी पोलिसांनी केले लाखो रुपये वसूल