भंडारा - जिल्ह्याच्या तुमसर शहरातील बाजारपेठेत असलेल्या राजेश असुदानी यांच्या हरिओम ट्रेड्स या किराणा दुकानाला भीषण आग लागल्याची घटना घडली. मध्यरात्री 2 च्या सुमारास ही आग लागली. चार अग्निशामक गाड्यांच्या माध्यमातून ही आग विझविण्याचा प्रयत्न अजूनही सुरू आहे. 90 टक्के आग विझली असली तरी दोन मजली असलेल्या इमारतीच्या आतमध्ये काही ठिकाणी आग अजूनही धगधगत आहे.
तुमसर येथील किराणा दुकानाला भीषण आग; तुमसर शहरातील ही सर्वात मुख्य बाजारपेठ आहे. या बाजारपेठेत रहिवासी घर आणि सर्वच प्रकारांची दुकाने अशा दोन्ही गोष्टी आहेत. राजेश असुदानी यांची मोठी होलसेल ची किराणा दुकान होती. रात्री जवळपास दोन वाजे दरम्यान या दुकानातून आजचे धूर निघाला लागले. आग लागली हे कळताच तुमसर नगरपालिकेचे अग्निशामक यंत्रणा घटनास्थळावर बोलवण्यात आली. या इमारतीमध्ये किराणा समान असल्याने यामध्ये तेलाचे आणि आग पकडणारे इतरही गोष्टी असल्यामुळे आगीने रौद्र रूप धारण केले होते. त्यामुळे एकट्या तुमसर नगरपालिकेची अग्निशामक गाडी ही आज विझवू शकणार नाही हे लक्षात आले होते. म्हणून सनफ्लॅग कंपनी, अदानी पावर येथील अग्निशामक आणि भंडारा नगर परिषदेची अग्निशामक अशा चार अग्निशामक गाड्या बोलाविण्यात आल्या. यांच्या माध्यमातून ही आग विझविण्याचा प्रयत्न सुरू केले गेले. आगीचे प्रमाण खूप जास्त असल्याने आग सकाळी दहा वाजेपर्यंत विझविण्याचे काम सुरू होते. बर्‍याच अंशी आग आटोक्‍यात आली असली तरी किराणामाल असल्याने या दुमजली इमारतीत वेगवेगळ्या ठिकाणी कमी जास्त प्रमाणात आग सुरू होती.
शॉर्टसर्किटने आग लागली असल्याची शक्यतामध्यरात्री लागलेल्या आगीचे नेमके कारण कोणते हे अजूनही अस्पष्ट आहे. मात्र, ही आग शॉर्ट सर्किटमुळे लागली असावी, असा प्राथमिक अंदाज आहे. हे किरणाचे होलसेल दुकान असल्याने यामध्ये मोठ्या प्रमाणात किराणा माल भरलेला होता. त्यामुळे लाखो रुपयांचे नुकसान झाले आहे. या दुकानाच्या शेजारी इतरही दुकानं आणि रहिवासी घर आहेत. मात्र, सुदैवाने यापैकी कोणत्याही दुकानाला किंवा घराला आग लागली नसल्याने कोणतीही जीवितहानी किंवा इतर नुकसान झाले नाही.
