बीड : बालहक्क संरक्षण कृती समिती बीड, सरकारी कामगार अधिकारी कार्यालय बीड यांच्यावतीने बीड शहरामध्ये बाल दिनानिमित्त जनजागृती रॅली (public awareness rally on children Day) व बालहक्क परिषदेचे (Children's Rights Conference) आयोजन करण्यात आले होते. जनजागृती रॅली बीड शहरातील छत्रपती शिवाजी महाराज क्रीडा संकुलपासून डॉ. बाबासाहेब आंबेडकर सामाजिक न्याय भवन काढण्यात आली. रॅलीमध्ये बालकांना विविध संदेश दिले. 'रोटी, खेल, पढाई, प्यार हर बच्चे का है अधिकार'ने सारे शहर दुमदुमले अनेक बालकांनी रॅलीमध्ये (Social awareness message through rally) सहभाग नोंदवला.
बालकांच्या समस्यांकडे वेधले लक्ष - रॅलीच्या समारोपणानंतर बाल हक्क परिषदेचे डॉ. बाबासाहेब आंबेडकर सामाजिक न्याय भवन येथे आयोजन करण्यात आले. यावेळी बालकांनी त्यांच्या हक्क व त्यांच्या अधिकार याविषयी विविध मागण्यांचे मनोगत व्यक्त केले. बीड जिल्ह्यातील ऊसतोड कामगारांची मुले, बालविवाह, बालमजुरी, बाल लैंगिक अत्याचार, भीक मागणारे मुले, स्त्रीभ्रूण हत्या मुला-मुलींमधील समानता, जेंडर फ्रेंडली वातावरण मुलींच्या वसतिगृहाची सोय आदी विषयांकडे लक्ष वेधण्यात आले.
बाल अधिकार परिषदेत मांडल्या समस्या- ग्रामीण भागातील शाळेत शिक्षकांची कमी, शाळेची दुरावस्था, गरीबीमुळे शहरात शिकायला परवडत नाही. अनाथ मुलांच्या समस्या, कोविड-19 मधील अनाथ झालेले बालक या सर्व समस्या बालकांनी बाल अधिकार परिषदेमध्ये मांडल्या.
या मान्यवरांचा कार्यक्रमात सहभाग- या बालहक्क परिषद व जनजागृती रॅलीसाठी नंदकुमार ठाकूर पोलीस अधीक्षक बीड न्या. सिद्धार्थ गोडबोले सचिव जिल्हा विधी सेवा प्राधिकरण बीड संगीता ताई चव्हाण सदस्य महिला आयोग महाराष्ट्र राज्य मुंबई प्रज्ञा खोसरे सदस्य बाल हक्क संरक्षण आयोग महाराष्ट्र राज्य मुंबई सुहासिनी देशमुख जिल्हा क्रीडा अधिकारी बीड श्रीकांत कुलकर्णी शिक्षण अधिकारी प्राथमिक जिल्हा परिषद बीड मनिषा ताई तोकले त्यांच्यासह अनेक लोक या कार्यक्रमात सहभागी झाले होते.
