Youth Body Found Aurangabad : ढोरेगाव शिवारात ऊसाच्या शेतात आढळला तरुणाचा मृतदेह; परिसरात खळबळ

गंगापूर तालुक्यातील ढोरेगाव शिवारात असलेल्या ऊसाच्या शेतात तरुणाचा मृतदेह आढळून (Youth Body Found Aurangabad) आल्याची घटना सोमवारी सकाळी उघडकीस आली आहे. ऊसाच्या शेतात मृतदेह आढळून आल्याने (youth body found in sugarcane field) परिसरात एकच खळबळ उडाली आहे. ऊसाच्या शेतात पाणी भरण्यासाठी गेलेल्या व्यक्तीला हा मृतदेह आढळून आला होता. घटनेची माहिती तात्काळ गंगापूर पोलिसांना देण्यात आली असून घटनेचा पंचनामा सुरू आहे.

गंगापूर(औरंगाबाद) : औरंगाबाद नगर महामार्गावर पेंडापूर फाट्याजवळील ढोरेगाव शिवारातील ऊसाच्या शेतात पाणी भरण्यासाठी गेलेल्या व्यक्तीला मृतदेह दिसून (Youth Body Found Aurangabad) आला. या घटनेची माहिती तात्काळ गंगापूर पोलिसांना देताच घटनास्थळी प्रभारी सहाय्यक पोलीस निरीक्षक साईनाथ गीते, उपनिरीक्षक शकील शेख, उपनिरीक्षक अजहर शेख, पोलीस हेडकॉन्स्टेबल कैलास निंभोरकर,अमित पाटील, बलवीरसिंग बहुरे आदीं घटनास्थळी दाखल झाले. (youth body found in sugarcane field)

पोलिसांकडून तपास सुरू : मृत व्यक्तीचे नाव सुनील प्रकाश जमदाडे राहणार पाटोदा असल्याची प्राथमिक माहिती मिळाली असून घटनेचा पंचनामा सुरु आहे. या प्रकरणी अधिक तपास पोलीस करत आहेत. यामध्ये वेगवेगळे तर्कवितर्क लावले जात आहे. परंतु, तसा कोणताही तर्क न लावता तपासातून जे समोर येईल ते लक्षात घेतले जाईल अशी माहितीही यावेळी पोलिसांनी दिली आहे.