औरंगाबाद : समर्थनगर भागात भरधाव टँकरने तरुणाला चिरडले - समर्थनगर

अपघात झाल्याचे पाहून टँकर चालकाने टँकरसह घटनास्थळावरून पळ काढला. पोलिसांनी परिसरातील सीसीटीव्ही तपासले असता त्यामध्ये टँकर कैद झाला आहे. या प्रकरणी क्रांतिचौक पोलीस ठाण्यात गुन्हा दाखल झाला असून पोलीस टँकर व चालकाचा शोध घेत आहे.

मृत सय्यद सोहेलोद्दीन सय्यद शफीउद्दीन

Published : Mar 17, 2019, 11:09 AM IST

औरंगाबाद - बीड बायपास रस्त्यावरील अपघात रोखण्यासाठी स्पीडगनने वाहनांची वेग मर्यादा मोजण्याचे काम वाहतूक पोलिसांकडून सुरू असतानाच शहरातील मध्यवस्तीत भरधाव टँकरने कामावरून घरी जाणाऱ्या ३२ वर्षीय सेल्समनला चिरडल्याची घटना शनिवारी दुपारी शहरातील समर्थनगर भागात घडली. अपघातानंतर चालक टँकर घेऊन पसार झाला आहे. पोलीस त्याचा शोध घेत आहेत.

सय्यद सोहेलोद्दीन सय्यद शफीउद्दीन वय ३२ (रा. बारापूल्लागेट, मिलकॉर्नर) असे अपघातात ठार झालेल्या सेल्समन तरुणाचे नाव आहे. मृत सोहेल हा एका खाजगी कंपनीत सेल्समन म्हणून कामाला होता. काम आटोपून तो दुपारी जेवण करण्यासाठी त्याच्या (एम एच २० ई व्ही ५०२६) या दुचाकीवरून घरी जात असताना समर्थनगर भागात पोहोचताच पाठीमागून आलेल्या (एम एच २० एफ ६८२२) भरधाव टँकरने सोहेलच्या दुचाकीला धडक दिली. व सोहेल अपघातात जागीच ठार झाला.

अपघात झाल्याचे पाहून टँकर चालकाने टँकरसह घटनास्थळावरून पळ काढला. पोलिसांनी परिसरातील सीसीटीव्ही तपासले असता त्यामध्ये टँकर कैद झाला आहे. या प्रकरणी क्रांतिचौक पोलीस ठाण्यात गुन्हा दाखल झाला असून पोलीस टँकर व चालकाचा शोध घेत आहे.

Intro:Body:

'कुत्ता नहीं हूं, जरूरत नहीं तो बाहर फेंक दो' म्हणत भाजपला ठोकला राम-राम

नवी दिल्ली - लोकसभा निवडणुकीच्या तोंडावर बरेच नेते पक्ष बदलत आहेत. आसामच्या तेजपूर मतदारसंघातील भाजपचे खासदार असलेल्या राम प्रसाद शर्मा यांनीही पक्षाला राम-राम ठोकला आहे. आपला पक्षात अपमान होत असल्याचे सांगत त्यांनी राजीनामा दिला असल्याचे 'ईटीव्ही भारत'शी बोलताना सांगितले.

येथील मतदारसंघात राम प्रसाद यांच्या ऐवजी हेमंत बिस्व शर्मा यांना तिकीट मिळण्याची शक्यता आहे. त्यामुळे ते नाराज आहेत. पक्षाने मला याविषयी विश्वासात घेतले असते तर मी ही जागा सोडली असती. या विषयी मला कोणतीही कल्पना न देता पक्ष निर्णय कसा काय घेऊ शकतो. कमीत कमी निवडणूक पॅनेल यादीत तरी माझे नाव असायला हवे होते, असे राम प्रसाद म्हणाले.

'ईटीव्ही भारत'ला दिलेल्या विशेष मुलाखतीत ते म्हणाले की, गेल्या कित्येक वर्षांपासून मी निष्ठावंत राहून पक्षाचे काम करत आलो आहे. आरएसएसमध्येही काम केले. मात्र, आता माझी गरज संपली म्हणून मला बाहेर फेकले. हा विश्वासघात नाही का? असा सवाल त्यांनी केला.

आसाममध्ये भाजपच्या प्रचार, प्रसारासाठी मी माझे सारे आयुष्य खर्ची केले, कुटुंबापासूनही दूर राहावे लागले. गेल्या विधानसभेच्या निवडणुकीवेळी भाजपला ९ आमदार जिंकून देण्यात मी मोलाची कामगिरी केली होती, असे सांगताना ते भावूक झाले होते.

राम प्रसाद शर्मा यांनी आता दुसऱ्या पक्षाच्या तिकीटावर निवडणूक लढवण्याचे ठरवले आहे. टीएमसी, एनपीपी, काँग्रेससह इतर पक्षांचे नेते आपल्या संपर्कात आहेत. मी यंदा निवडणूक नक्की लढवणार आहे, असे ते म्हणाले. सूत्रांच्या माहितीनुसार राम प्रसाद हे काँग्रेसच्या तिकीटावर तेजपूरती जागा लढवण्याची शक्यता आहे.

Conclusion:

For All Latest Updates