छत्रपती संभाजीनगर (औरंगाबाद) Rohit Pawar On Beed Riots : मी बीडमध्ये पंडित अण्णा क्षीरसागर यांच्या घरी गेलो होतो. तिथे जे आंदोलन करण्यासाठी आले होते ते प्रोफेशनल असून त्यांच्याकडे फॉस्फरस बॉम्ब आणि पेट्रोल बॉम्ब होते. (Rohit Pawar Sangharsh Yatra) एकमेकांशी संवाद साधताना कोणत्या घरी जायचं त्याबाबत नंबरचा वापर करीत होते. एका गाडीत विशिष्ट मापाचे दगड होते. ते संपले की परत गाडीतून दुसरे दगड ते आंदोलक आणायचे. पहिली टीम एकाच फटक्यात दगड मारून सीसीटीव्ही फोडायचे. दुसरी टीम त्याबाबत मोबाईलवर कोण चित्रीकरण करत आहे का, ते पाहून त्यांचे मोबाईल घेत होती किंवा फोडत होती. (Riots in Beed) तर तिसरी टीम हातात दगड, फॉस्फरस आणि पेट्रोल बॉम्ब घेऊन हल्ला करायचे. त्यांना लोक अडवत असताना ते ऐकत नव्हते. बहुदा त्यांनी काहीतरी व्यसन केलेलं होतं. म्हणून ते कुठेही पळत होते आणि काहीही करत होते.
जखमी लोकांवरील उपचारासाठी अँब्युलन्स तैनात : इतकंच नाही तर त्या टोळीतील जखमी लोकांना उपचार देण्यासाठी अँब्युलन्स देखील तैनात होत्या. ते लोकांना घेऊन कुठे गेले कोणत्या रुग्णालयात गेले काहीच माहिती नाही; मात्र दोन समाजात तेढ निर्माण करण्याचा प्रयत्न या निमित्ताने झाला. आधी त्यांनी मुस्लीम वस्तीत जाऊन हा प्रयत्न केला. परंतु तसे होऊ शकले नाही. त्यामुळे ओबीसी नेत्यांच्या घरावर हल्ला करत दोन समाजात तेढ निर्माण करण्याचा प्रयत्न झाला. यामुळे लोकसभा निवडणुकीत एका विशिष्ट पक्षाला त्याचा फायदा होईल म्हणून हे केलं गेलं असा आरोप आमदार रोहित पवार यांनी केला.
निर्दोष लोकांवर कारवाई : आंदोलना दरम्यान जाळपोळ करणारे सर्व लोक तिथून पळून गेले. मात्र पोलिसांनी तिथे आजूबाजूला असलेल्या मुलांवर कारवाई करायला सुरुवात केली आहे. अनेकांवर गुन्हे दाखल करून त्यांची धरपकड करण्यात येत आहे. पोलिसांनी तसं करू नये. जे दोषी आहेत त्यांना पकडावं. जे निर्दोष युवक त्या ठिकाणी उभे होते, त्यांच्यावर कारवाई करता कामा नये. या प्रकरणात मुख्यमंत्री आणि गृहमंत्री यांनी लक्ष घातलं पाहिजे, अशी मागणी रोहित पवारांनी केली.
पुन्हा सुरू होणार संघर्ष यात्रा : शरद पवार गटाचे आमदार रोहित पवार यांनी मागील महिन्यात संघर्ष यात्रेला सुरुवात केली होती. दसऱ्याच्या शुभ मुहुर्तावर राज्यातील विविध प्रश्नांवर चर्चा करण्यासाठी ही यात्रा सुरू करण्यात आली होती. मात्र मराठा आंदोलकांनी विरोध केल्यानंतर त्यांनी अखेर यात्रा स्थगित केली होती. आता दिवाळीच्या शुभ मुहूर्तावर पुन्हा या यात्रेला सुरुवात होणार असून, ज्या गावात आमचा मुक्काम असेल त्याच गावात आम्ही लोकांसोबत दिवाळी साजरी करणार असल्याचं रोहित पवार यांनी सांगितलं. इतकचं नाही तर मध्ये यात्रा स्थगित केल्यामुळे यात्रेचे दिवस कमी झाले आहेत. त्यामुळेच तिथे 16-17 किलोमीटर रोजचा प्रवास होता, तो आता 24 किलोमीटर पर्यंत वाढवण्यात आला आहे. राष्ट्रवादीचे नेते शरद पवार यांच्या वाढदिवसाला ही यात्रा संपेल.
संघर्ष यात्रेदरम्यान 'या' विषयांवर चर्चा : यात्रेदरम्यान आम्ही शिक्षण, शेती, आरोग्य या सगळ्या मुद्द्यांना घेऊन लोकांशी चर्चा करत त्यांच्या अडचणी समजून घेणार असल्याचं आमदार रोहित पवार यांनी पत्रकार परिषदेत सांगितलं. तर दिवाळीच्या आधी सरकारनं दुष्काळ घोषित करावा. काही मोजकेच तालुके त्यामध्ये घेतले आहेत तसे त्यांनी करू नये. सरकारच्या दुष्काळावरच्या भूमिकेमुळे अनेक युवकांचे शैक्षणिक आयुष्य उद्धस्त होऊ शकतं. तर जायकवाडी धरणात पाणी सोडण्यावरून नगर, नाशिक आणि संभाजीनगर विभागात अनेक वादविवाद होत आहेत. जलसंपदा मंत्र्यांनी सर्वांना एकत्र बसवून यावर कायमचा तोडगा काढावा अशी मागणी देखील रोहित पाटील यांनी केली.
हेही वाचा:
- Nitish Kumar : नितीश कुमारांच्या अडचणी वाढल्या, महिलांबद्दलच्या असभ्य टिप्पणी प्रकरणी तक्रार दाखल; 'या' दिवशी सुनावणी
- Manoj Jarange On OBC : ओबीसी नेत्यांमुळे चाळीस वर्षे आमच्यावर अन्याय, तर मराठा नेत्यांमुळे नुकसान; मनोज जरांगेंचा हल्लाबोल
- Chhagan Bhujbal Reaction : आंदोलन व न्यायालयीन खटल्याच्या माध्यमातून ओबीसी आरक्षणाला धक्का लावण्याचा प्रयत्न - छगन भुजबळ
