औरंगाबाद - सीएए आणि एनआरसी विरोधात न्यायालयात जाऊ नका, तुम्हाला न्याय मिळणार नाही. कारण, न्यायालय आता आपले राहिले नाही, अशी टीका वंचित बहुजन आघाडीचे संस्थापक आणि माजी खासदार प्रकाश आंबेडकर यांनी येथे केली. सीएएच्या विरोधात काढण्यात येथे मोर्चा काढण्यात आला. यावेळी त्यांनी भाजप सरकारवर जोरदार टीका केली.
पुढे ते म्हणाले, अजित पवार मनाने मोकळा असलेला माणूस आहे. त्याला जे वाटत तो ते स्पष्ट बोलतो, त्यांची बारामतीमध्ये झालेली पत्रकार परिषद ऐका. भाजप का मोठा आहे, भाजप काय करणार आहे हे लक्षात येईल, अशी टीकाही त्यांनी केली. सीएए आणि एनआरसीच्या विरोधात उभे राहतात. हिंदूंनादेखील सोबत घ्या. ही लढाई एकट्या मुस्लिमांची नाही, असा टोला आंबेडकर यांनी एमआयएमला टोला लगावला.
सीएए आणि एनआरसी विरोधात औरंगाबादेत जवळपास 40 पक्ष-संघटनांनी एकत्र येत मोर्चा काढला. या मोर्चात वंबआचे प्रमुख प्रकाश आंबेडकर, मुस्लीम धर्मगुरू यांच्यासह राष्ट्रवादीचे नेते जितेंद्र आव्हाड यांनी उपस्थितांना मार्गदर्शन केले. हा महाराष्ट्र सामाजिक एकता शिकवणाऱ्या महापुरुषांचा आहे. ही लढाई कोणत्या एका समाजाची नाही. आमच्याकडे गांधीजींच्या आदर्शाचे शस्त्र आहे. इंग्रजांना देशातून हाकलून दिले, तर हे कोण आहेत, असा टोला जितेंद्र आव्हाड यांनी भाजपला लावला.
हेही वाचा - राहुल गांधींनी आदिवासींबरोबर पारंपारिक नृत्यावर धरला ठेका, पाहा व्हिडिओ
सेक्युलरवाद्यांनी एकत्र येण्याची गरज आहे, असेही ते म्हणाले. डिटेन्शन कॅम्प सुरु करण्यात आले. जर एनआरसी लागू करण्यात येणार नसतील तर डिटेन्शन कॅम्प कशासाठी? असा प्रश्नही त्यांनी यावेळी केला. नवी मुंबई, खारघर मध्ये डिटेन्शन कॅम्प बनवले जात आहेत. याचा खुलासा माजी मुख्यमंत्री देवेंद्र फडणवीसांनीच केला होता. एनआरसी मुस्लिमांच्या आणि ४० टक्के हिंदूच्याही विरोधात आहे. ४० % हिंदूसुद्धा एनआरसीचे बळी होतील. मुंबईतील मोर्चात हिंदूंची संख्या अधिक होती. एनआरसीच्या विरोधात सर्वधर्मीय एकत्र आहेत. हिंदू सेक्युलर समाजाची ताकद लवकरच आम्ही दाखवू, मुस्लीम समाजाला आव्हान करतो त्यांनी यांना मदत करावी आणि एनआरसी व सीएएच्या विरोधात ताकद उभी करावी, असे आवाहन आंबेडकर यांनी केले.
हेही वाचा - महाराष्ट्र एकीकरण समितीमधल्या एकाच्याही केसाला धक्का लागला तर गाठ सेनेशी - धैर्यशील माने
शहरात सीएए विरोधात निघालेला हा दुसरा मोठा मोर्चा आहे. हातात तिरंगा आणि काळा झेंडा हातात घेऊन नागरिकांनी सरकार विरोधी घोषणाबाजी केली. देशात कायद्याविरोधात अनेकांनी तीव्र विरोध केल्याचे दिसून येत आहे.
