गंगापूर(औरंगाबाद)- औरंगाबाद-अहमदनगर महामार्गावर भेंडाळा फाटा येथे मध्यरात्री दीड वाजताच्या सुमारास ट्रॅव्हल आणि टँकरचा अपघात झाला. या अपघातामध्ये पंधरा प्रवासी जखमी झाले आहेत. त्यातील पाच जणाची प्रकृती गंभीर आहे. जखमींना गंगापूर जिल्हा उपरुग्णालय आणि औरंगाबाद येथील घाटी रुग्णालयात दाखल करण्यात आले आहे.
अपघातातील जखमीची नावे
संजय राजेंद्र परदेशी (अहमदनगर), गणेश रमेश महाजन(यवतमाळ,) मारुती आढाव (यवतमाळ), डॉक्टर संतोष कृष्णा पाटील (औरंगाबाद), संतोष जालिंदर म्हेत्रे (अहमदनगर) अशी अपघातात गंभीर जखमी झालेल्यांची नावे आहेत. या अपघात प्रकरणी गंगापूर पोलीस ठाण्यात नोंद घेण्यात आली आहे.
