गंगापूर(औरंगाबाद) - शिवना नदीला पूर आल्याने नदी लगत असलेली विहीर वाहून गेल्याची घटना घडली आहे. शिवना नदीच्या पाणी पातळी वाढ झाल्याने महापुराची स्थिती निर्माण झाली आहे. त्यामुळे गंगापूर तालुक्यात शिवना नदीवरील चार बंधाऱ्यांच्या बाजूचे भराव फुटले. त्यामुळे नदी काठच्या अनेक गावाला पुराचा तडाखा बसला आहे. या पुराच्या पाण्यात नदी काठच्या शेतातील विहिरीचा कठडा वाहून गेल्याचा प्रकार समोर आला आहे.
शेतकऱ्याची विहीर गेली वाहून,
या पुरामुळे नागरी वस्तीत नदीचे पाणी शिरल्यास धोका निर्माण होऊ नये म्हणून खबरदारी घेत नदी काठावरील अनेक कुटुंबांना सुरक्षित स्थळी हलविण्यात आले आहे. मात्र या महापुरामुळे काठावरील शेतांमध्ये पाणी शिरून कपाशी, ऊस, पिकांचे मोठ्या प्रमाणात नुकसान झाले आहे.
