अमरावती - मेळघाटातील घोटी येथे रविवारी सकाळी चार चाकी आणि दुचाकीचा अपघात झाल्याची घटना घडली. या अपघातात दुचाकीवरील एक तरुण जागीच ठार तर दुसरा गंभीर जखमी झाला आहे.
मेळघाटात झालेल्या अपघातात दुचाकीस्वार जागीच ठार तर दुसरा गंभीर जखमी
हेही वाचा - खासदार नवनीत राणांनी घेतला आकाश पाळण्याचा आनंद
मेळघाटात सध्या टिटंबा मोती मातेची यात्रा सुरू असून या यात्रेतून पोहरा येथील दोन तरूण रविवारी सकाळी दुचाकीने परतत असताना टिटंबा गावाजवळ समोरून भरधाव येणाऱ्या चार चाकी गाडीने त्यांच्या दुचाकीला धडक दिली. या घटनेत दुचाकीस्वार जागीच ठार झाला असून दुसरा गंभीर जखमी आहे. घटनेची माहिती मिळताच धारणी पोलिसांनी घटनास्थळी धाव घेतली. दोन्ही तरुण येथील रहिवासी असल्याचे स्पष्ट झाले आहे. मात्र, या दोन्ही तरुणांची नावे अद्याप समजली नाहीत. दरम्यान, या अपघातामुळे धारणी महामार्ग काही काळ बंद होता.
