संत तुकाराम, ज्ञानेश्वर महाराज यांच्या नंतर तुकडोजी महाराज हेच माझे दैवत - संभाजी राजे भोसले

खासदार संभाजी राजे भोसले हे अमरावती येथे एका कार्यक्रमासाठी जात होते. त्यांनी गुरुकुंज मोझरी येथे जाऊन राष्ट्रसंत श्री तुकडोजी महाराज यांच्या महासमाधीचे दर्शन घेतले.

अमरावती - छत्रपती संभाजी राजे भोसले यांनी राष्ट्रसंत तुकडोजी महाराजांच्या समाधीचे दर्शन घेतले. खासदार संभाजी राजे भोसले हे नागपूर वरून अमरावतीला जात होते. त्यांनी गुरुकुंज मोझरी येथे जाऊन राष्ट्रसंत श्री तुकडोजी महाराज यांच्या महासमाधीचे दर्शन घेतले. संत तुकाराम महाराज व संत ज्ञानेश्वर महाराज यांच्या नंतर माझे दैवत हे राष्ट्रसंत तुकडोजी महाराज आहेत, असे ते म्हणाले.

खासदार संभाजी राजे भोसले हे अमरावती येथे एका कार्यक्रमासाठी जात होते. त्यावेळी तुकडोजी महाराजांच्या समाधीचे दर्शन घेण्यासाठी गुरुकुंज मोझरीत आले. यावेळी त्यांचे स्वागत लढा संघटनेच्या गौरी देशमुख ,संजय देशमुख यांनी केले. अखिल भारतीय श्री गुरुदेव सेवा मंडळाचे जनार्दनपंत बोथे, डॉ. राजराम बोथे हे देखील यावेळी उपस्थित होते.