अमरावती - सहा ते सात महिन्यांपासून पंतप्रधान आवास योजनेतील लाभार्थ्यांचा दुसऱ्या टप्प्यातील निधी अद्यापही मिळालेला नसून यामुळे त्रस्त लाभार्थ्यांना घेऊन आम आदमी पक्षाने चांदूर रेल्वे नगर परिषदेवर गुरुवारी (दि. 17 डिसें.) धडक मोर्चा काढण्यात आला. येत्या पंधरा दिवसांत धनादेशाचा प्रश्न मार्गी न लागल्यास नगर परिषद कार्यालयाला कुलूप ठोकण्यात येईल, इशारा मुख्याधिकाऱ्यांना निवेदन देऊन देण्यात आला.
200 कुटूंबाचे घरकुल मंजूर
पंतप्रधान आवास योजनेअंतर्गत चांदूर रेल्वे नगरपरिषद हद्दीत सुमारे दोनशे घरकुले मंजूर झाले आहेत. त्यापैकी काहींना सहा ते सात महिन्यांपूर्वी पहिल्या टप्प्यातील धनादेश मिळाला होता. त्यानंतर बऱ्याच लाभार्थ्यांनी आपले बांधकाम सुरू केले. त्याची प्रशासकीय माहिती ही वेळेवर नगरपरिषदेला दिली.
सहा महिने उलटूनही धनादेश वाटप नाही
सहा-सात महिने उलटूनही दुसऱ्या टप्प्यातील धनादेश अद्यापही मिळाला नाही. तसेच काही घरकुल संदर्भात त्रुटीत असलेली प्रकरणे आहेत. या त्रुटी प्रशासनाने दूर करून त्यांना न्याय द्यावा, अशी मागणी केली आहे.
हेही वाचा - अमरावतीत ऑनलाईन शस्त्र खरेदीला प्रतिबंध; पोलीस आयुक्तांकडून आदेश जारी
हेही वाचा - बडनेरा रेल्वेस्थानकावर भटकणाऱ्या मुलांना मिळणार दिशा; 24 तास रेल्वे चाईल्डलाईन सेवा
