अकोला - जिल्हा परिषदेचे 53 गट व पंचायत समितीचे 106 गण यासाठी मंगळवार (दि. 7 जाने) निवडणूक घेण्यात आली होती. दिवसभर 63.83 टक्के मतदान झाले असून आज (दि. 8 जाने.) सकाळी 10 वाजल्यापासून मतमोजणीला सुरुवात होणार असल्याची माहिती निवडणूक निर्णय अधिकाऱ्यांनी दिली.
मतदाना दिवशी कुठेही मतदान प्रक्रियेचा गोंधळ होईल, अशी कुठलीही घटना जिल्ह्यात घडली नाही. जिल्ह्यातील विविध मतदान केंद्रांवर ज्याठिकाणी मशीन खराब झाल्याच्या तक्रारी आल्या त्याठिकाणी तातडीने मशीन बदलण्यात आल्या आहेत. 14 मतदान यंत्र व 12 बॅलेट यंत्र बदलण्यात आल्याची माहिती निवडणूक निर्णय अधिकाऱ्यांकडून देण्यात आली आहे.
हेही वाचा - अकोला महापालिकेची पाण्याच्या पाईप लाईन गळतीमुळे हजारो लिटर पाणी वाया
एक हजार 19 मतदान केंद्रावर आठ लाख 56 हजार मतदारांनी 780 उमेदवारांना मतदान केले. दरम्यान, सर्वच मतदान केंद्रावर मतदान शांततेत पार पडले. आज मतमोजणीला सुरुवात होणार असून दुपारी 2 वाजेपर्यंत निकाल जाहीर होण्याची शक्यता निवडणूक निर्णय अधिकारी यांनी व्यक्त केली आहे.
हेही वाचा - जिल्हा परिषदेच्या मतदानाला सुरुवात, केंद्रांवर मतदारांची गर्दी
