Chandrashekhar Bawankule on Uddhav Thackeray : उद्धव ठाकरेंनी शक्तीप्रदर्शन केलं तरी काही फायदा होणार नाही - बावनकुळे

ज्यावेळेस तुमच्याकडे अधिकार होता तेव्हा तुम्ही काहीच केले नाही. आता कितीही शक्ती प्रदर्शन केले तरी इकडे संताजी धनाजी सारखे देवेंद्रजी आणि एकनाथ शिंदेजी दोन सरदार आहेत. आता हे दोघे नेते त्यांना पाण्यामध्ये दिसत आहेत. त्यामुळे हे दोन सरदार 18-18 तास महाराष्ट्राच्या जनतेच्या विकासासाठी काम करत आहेत. त्यामुळे कितीही शक्तिप्रदर्शन केले आणि कितीही उड्या मारल्या तरीही काही होणार नाही, अशी टीका भाजप प्रदेशाध्यक्ष चंद्रशेखर बावनकुळे यांनी उद्धव ठाकरेंवर केली आहे. ते आज अकोल्यात बोलत होते.

अकोला : विधानपरिषदेच्या शिक्षक पदवीधर मतदारसंघाच्या निवडणूकींच्या प्रचारसभांना सुरूवात झाली आहे. अमरावती पदवीधर विधान परिषद निवडणुकीतील भाजपचे उमेदवार डॉ. रणजित पाटील यांच्या प्रचारासाठी भाजप प्रदेशाध्यक्ष चंद्रशेखर बावनकुळे आज अकोल्यात आले होते. उद्धव ठाकरेंनी शक्तीप्रदर्शन केलं तरी काही फायदा होणार नाही, अशी टीका बावनकुळे यांनी प्रचारादरम्यान केली आहे.

मुख्यमंत्री-उपमुख्यमंत्र्यांची केली प्रशंसा : ज्यावेळेस तुमच्याकडे अधिकार होता तेव्हा तुम्ही काहीच केले नाही. आता कितीही शक्ती प्रदर्शन केले तरी इकडे संताजी धनाजी सारखे देवेंद्रजी आणि एकनाथ शिंदेजी दोन सरदार आहेत. आता हे दोघे नेते त्यांना पाण्यामध्ये दिसत आहेत. त्यामुळे हे दोन सरदार 18-18 तास महाराष्ट्राच्या जनतेच्या विकासासाठी काम करत आहेत. त्यामुळे कितीही शक्तिप्रदर्शन केले आणि कितीही उड्या मारल्या तरीही काही होणार नाही, अशी टीका भाजप प्रदेशाध्यक्ष चंद्रशेखर बावनकुळे यांनी उद्धव ठाकरेंवर केली आहे.

उद्धव ठाकरेंवर टीका : उध्दव बाळासाहेब ठाकरे गटाचे शिवसेना पक्षप्रमुख उद्धव ठाकरे यांचा पक्षप्रमुख पदाचा उद्या कार्यकाळ संपत आहे. त्यामुळे ते मोठे शक्ती प्रदर्शन करण्याची शक्यता आहे. यावर चंद्रशेखर बावनकुळेंना विचारले असता ते म्हणाले की, त्यांनी कोणते कोणते शक्ती प्रदर्शन करावे हे त्यांचा अधिकार आहे. ज्यावेळेस ते मुख्यमंत्री होते. त्यावेळेस त्यांचा पेनही चालत नव्हता. 18 महिने आमदारांचे पत्रावर सही होत नव्हती. त्यांच्या खिशात पेनही नव्हता. 18 महिने मुख्यमंत्री मंत्रालयात यायचे नाही. आज राज्याला चांगलं सरकार मिळालेले आहे आणि या सरकारच्या माध्यमातून राज्याचा चांगला विकास होईल, याची आपण आशा करू, असे ते म्हणाले.

राज्य सरकारवर पडणार नाही : ते पुढे म्हणाले की, खरंतर मला प्रत्येक गोष्ट हास्यास्पद वाटते. या सरकारला 164 आमदारांचे बहुमत आहे हे दोनदा सिद्ध झाले आहे. एका बहुमतच्या चाचणीत तर काँग्रेसचे दहा आमदार नव्हते. जर उद्या जर एखादा बहुमत चाचणीचा विषय आला तर 164 चे 184 आमदारांचे बहुमत झाल्याशिवाय राहणार नाही. विरोधकांनी आता विरोधी पक्ष म्हणून योग्य काम करावे. मुख्यमंत्री-उपमुख्यमंत्री हे निर्णय घेत आहेत. प्रवासही करीत आहेत आणि संवाद ही साधत आहेत बैठकीही घेत आहेत, त्यामुळे विरोधकांनी किती म्हटले की हे राज्य सरकार पडेल तर असे होणार नाही, असेही ते म्हणाले.

जुनी पेन्शन योजनेवर वक्तव्य : जुनी पेन्शन योजना राबविण्यासंदर्भात मुख्यमंत्री एकनाथ शिंदे यांनी सकारात्मक विचार व्यक्त केला आहे. मुख्यमंत्र्यांच्या वक्तव्याचे स्वागत करतो. सरकारकडे याआधीच या प्रश्नावर सकारात्मक चर्चा व्हावी म्हणून पाठपुरावा केलेला, असून आचारसंहिता संपल्यानंतर यासंदर्भात मुख्यमंत्री-उपमुख्यमंत्री यांच्यासोबत संबधित अधिकारी यांची बैठक घेण्यात येईल, असेही भाजपचे प्रदेशाध्यक्ष चंद्रशेखर बावनकुळे म्हणाले.

डॉ. रणजीत पाटील रेकॉर्ड करतील : कुणीही कितीही म्हटले तरी महाराष्ट्रात या निवडणुकीत सर्वाधिक मतांनी डॉ. रणजीत पाटील विजयी होतील. ते आतापर्यंतच्या विजयाचे सर्व रेकॉर्ड तोडतील. भाजपकडून तेच उमेदवार आहे. पक्षाकडून त्यांच्या विजयासाठी सर्वतोपरी प्रयत्न करण्यात येत आहे, असेही भाजपचे प्रदेशाध्यक्ष चंद्रशेखर बावनकुळे म्हणाले.

हेही वाचा : Chandrashekhar Bawankule on Sanjay Raut : 'सकाळी उठून भोंगा वाजवण्यापेक्षा....'