अहमदनगर - जिल्हा परिषदेचे माजी अध्यक्ष आणि जिल्हा मराठा विद्या प्रसारक मंडळाचे विश्वस्थ ज्येष्ठ नेते रामनाथ लक्ष्मण वाघ यांचे बुधवारी सायंकाळी वृद्धापकाळाने निधन झाले. शुक्रवारी सकाळी 10 वाजता रेसिडेन्सिअल हायस्कूल प्रांगणातून त्यांची अंत्ययात्रा निघेल.
हेही वाचा - वर्षभरात २ कोटी भाविक साईचरणी, करोडो भाविकांनी घेतला साई भोजनाचा लाभ
अ‍ॅड. वाघ यांचे वय 87 होते. मूळचे राहुरी तालुक्यातील वांबोरी येथील शेतकरी कुटुंबात वाघ यांचा जन्म झाला होता. यांनी जिल्ह्याच्या सामाजिक, शैक्षणिक, राजकीय क्षेत्रात विकासात्मक काम केले. 1972 मध्ये ते जिल्हा परिषदेचे अध्यक्ष होते. जिल्हा मराठा विद्या प्रसारक शिक्षण संस्थेवर गेल्या 50 वर्षांपासून ते विश्वस्त होते. गेल्यावर्षी राष्ट्रवादी काँग्रेसचे अध्यक्ष शरद पवार यांच्या हस्ते त्यांचा जीवन गौरव करण्यात आला होता.
हेही वाचा - मंत्रीपद न मिळाल्याने मी नाराज नाही पण.., रोहित पवारांची अप्रत्यक्ष खंत
यशवंतराव चव्हाण व्यासपीठाचे अध्यक्ष म्हणून त्यांनी काम केले आहे. या माध्यमातून त्यांनी व्याख्यानमाला उपक्रम राबविले. 'वळून पाहताना' हे त्यांचे आत्मचरित्र आणि 'कृतार्थ जीवन प्रवास' या 2 पुस्तकांचे त्यांनी लेखन केले आहे.
