शिर्डी - कालच विरोधी पक्षनेते पदाचा राजीनामा दिल्यानंतर आज राधाकृष्ण विखे पाटील हे शिवसेनेच्या मंचावर उपस्थित होते. आज शिवसेनेचे शिर्डीचे उमेदवार सदाशिव लोखंडे यांच्या प्रचारार्थ विखेंनी साकुरी गावात सभा घेतली आहे. यावेळी त्यांनी पवार आणि थोरातांवर जोरदार टीका केली आहे.
राधाकृष्म विखे पाटील यांनी आज सदाशिव लोखंडे यांच्या प्रचारासाठी सभा घेतली आहे. यावेळी त्यांनी शरद पवार आणि थोरातांवर जोरदार निशाणा साधला आहे. तसेच पंतप्रधान नरेंद्र मोदी यांचे कौतुकही केले आहे. आम्ही सांगितल्यामुळे मोदींनी स्वतंत्र पाणी मंत्रालयाची घोषणा केली आहे. तसेच पवार आणि थोरातांकडुन फक्त भावनिक आणि व्यक्तिगत राजकारण केले जात असल्याची टीका ही विखें यांनी यावेळी केली.
