शिर्डी (अहमदनगर) - कोरोनाच्या पार्श्वभूमीवर झालेल्या टाळेबंदीत मंदिरेही बंद ठेवण्यात आली होती. त्यामुळे देणगीवरही परिणाम झाला होता. टाळेबंदीनंतर 16 नोव्हेंबरला शिर्डीतील साई मंदीर भाविकांसाठी खुले करण्यात आले आहे. त्यामुळे देणगीचा ओघ पुन्हा सुरू झाला आहे. मागील 71 दिवसांत सुमारे 12 लाख 2 हजार 162 भाविकांनी साईबाबांचे दर्शन घेतले. याच काळात साई भक्तांनी 32 कोटी 3 लाख 42 हजार 900 रुपयांचे दानही दिले.
71 दिवसांत तब्बल 12 लाख 2 हजार 162 भाविकांनी घेतले दर्शन
टाळेबंदीच्या काळातही सुरुवातीचे सहा महिने भक्त ऑनलाइन दर्शन करत साई चरणी दान करत होते. टाळेबंदीनंतर मंदिरे सुरू करण्याची सरकारने परवानगी दिली. त्यानंतर कोरोनाचे नियम पाळत साई भक्त साईबाबांच्या दर्शनाला येऊ लागले. यामुळे 16 नोव्हेंबर ते 25 जानेवारी या कालावधीतील 71 दिवसांत फ्री बायोमेट्रिक दर्शन घेणाऱ्या भाविकांची संख्या 9 लाख 13 हजार 325 असून ऑनलाइन पास काढून 1 लाख 3 हजार 377 भाविकांनी दर्शन घेतले. जनसंपर्क विभागातून 1 लाख 85 हजार 460 भाविकांनी पैसे भरत विशेष दर्शन घेतले, अशाप्रकारे एकूण 12 लाख 2 हजार 162 भाविकांनी साईबाबंचे दर्शन घेतले आहे.
1 कोटी 61 लाख 18 हजार 548 रुपयांची मोफत भोजनासाठी देणगी
16 नोव्हेंबर ते 25 जानेवारीपर्यंत साई संस्थानच्या भोजनालयात तब्बल 4 लाख 41 हजार 949 भाविकांनी मोफत दिल्या जाणाऱ्या प्रसाद भोजनाचा लाभ घेतला आहे. यासाठी 1 कोटी 61 लाख 18 हजार 548 रुपयांची देणगीही भाविकांनी दिली आहे.
71 दिवासंत भाविकांकडून साई मंदिराच्या तिजोरीत जमा झालेले दान
| देणगीचे स्वरुप | रक्कम |
| रोख | 6 कोटी 18 लाख 70 हजार 361 |
| मनी ऑर्डर | 50 लाख 71 हजार 979 |
| ऑनलाइन | 6 कोटी 39 लाख 1 हजार 896 |
| डेबिट किंवा क्रेडीट कार्ड | 2 कोटी 62 लाख 28 हजार 326 |
| चेक किंवा डीडी | 3 कोटी 5 लाख 89 हजार 626 |
| परकीय चलन | 22 लाख 60 हजार 165 |
| दक्षिण पेटीतील देणगी | 13 कोटी 4 लाख 20 हजार 547 |
| एकूण | 32 कोटी 3 लाख 42 हजार 900 |
या व्यतिरिक्त
| सोने | 796 ग्रॅम |
| चांदी | 12 हजार 191 ग्रॅम |
हेही वाचा - साई मंदिर : गेट नंबर ३ भक्तांसाठी खुले; ग्रामस्थांचा आंदोलनाचा निर्णय मागे
