शिर्डी (अहमदनगर)- राज्यात आरक्षणाच्या मुद्द्यावरून पेटलेल्या राजकारणात भाजपाचे विधान परिषदेचे आमदार गोपीचंद पडळकर यांनी महसूलमंत्री बाळासाहेब थोरात यांच्यावर टीका केली. थोरात यांनी पडळकरांना काही उत्तर देण्यापूर्वीच त्यांची कन्या शरयू देशमुख यांनी पडळकरांना प्रत्युत्तर दिले आहे. 'पात्रतेपेक्षा जास्त मिळाले की असे होते', अशा शब्दांत शरयू देशमुख यांनी पडळकरांना टोला लगावला आहे.
राज्यात मराठा आणि ओबीसी आरक्षणाचा मुद्दा गाजत आहे. त्यावरून राजकीय आरोप-प्रत्यारोप सुरू आहेत. विरोधी पक्षनेते देवेंद्र फडणवीस यांनी ‘माझ्या हाती सत्ता द्या, ओबीसींना चार महिन्यांत पुन्हा आरक्षण मिळवून देईन, अन्यथा राजकारणातून संन्यास घेईन, असे वक्तव्य केले होते. त्यावर टीका करताना महसूलमंत्री थोरात यांनी फडणवीसांना गांभीर्याने घेण्याची गरज नाही. विदर्भ राज्याच्या मागणीसाठीही त्यांनी पूर्वी लग्न न करण्याची प्रतिज्ञा केली होती, अशी टीका केली होती.
पडळकर यांच्या या ट्विटला थोरातांच्या कन्या आणि अमृतवाहिनी कृषी व शैक्षणिक संस्थेच्या संचालिका शरयू देशमुख यांनी ट्वीटद्वारेच उत्तर दिले आहे. त्यांनी म्हटले आहे की. 'पात्रतेपेक्षा जास्त मिळाले की असं होते. आपल्या भाषेवरून आपल्या संस्कारांची ओळख होते, असो ज्याचे त्याचे संस्कार'. अशा भाषेत त्यांनी पडळकर यांच्यावर टीका करून त्यांना भाषा आणि संस्काराची आठवण करून दिली आहे.
